دعوه من القلب

[محمد عويضه]

أخواني .. أخواتي .. مشرفين وأعضاء وزوّار منتدى نجران الشامل ...

يسرني دعوتكم لحظور أمسيتي الأولى في فندق ( شيراتون الدمام ) بتاريخ 9/4/1423هـ الموافق 20/6/2002م والتي سيشاركني فيها شعراء كبار .. وهم :

1- بدر الحويفر
2- محمد القعبوبي ( ولد عبس )
3- شايع العيافي ( مشهور الخيّال )

حظوركم يهمّني ويزيدني شرف .. أتمنى أن تلبون الدعوه .. وقفتكم معي و دعواتكم لي وللشعراء المشاركين معي بالتوفيق .

ملاحظه : أتمني من المشرف تثبيت الموضوع .. إذا لم يكن هناك أي إزعاج .

تقبلوا تحياتي ..

أخوكم / محمد عويضه

[هادي ال زليق]

ابشر يامحمد.....

حضور امسيتك شرف .. وان شاء الله مايمنعنا اي مانع...

ووالله لو عندي ويش ماعندي بحضر يعني بحضر...

والربع ان شاء الله مايتاخر منهم واحد..

وانا راح ابلغ اللي اقدر ابلغه لو كان ماوصلهم الخبر..

ومن الاعماق الف مليون مبروك وعوايدك يامحمد تبيض الوجه..

وتستاهل الطيب يامحمد..

لك مني كل الحب والتقدير
....

[فيصل اليامي]

محمدعويضه ...
.
.
.
.
ابشر والله بسعدك ...
.
.
عز الله انك تفحرني كل ما جاء طاري الامسيه ..
.
.
لاني عندي في نفس اليوم ونفس الوقت ..امسية مهرجان حايل ..
ومثلك يعذر ..
.
.
.
اتمنى لك التوفيق في الامسيه وانت ( قدها وقدود ) .
.
.
.
.
الاخوان المشرفين ......
.
.
الدعوه تستاهل التثبيت ..
وهي دعم حقيقي يقدمه المنتدى لشعرائه ..
وشكرا لكم على كل الجهود اللي تقومون بها .. والله يعينكم .

[محمد بن مدران اليامي]

أبشر والله باللى يحضر ............. محمد ياخوى لا تجى ذاك الليل وتقعد


مختلع وتنافض من الجمهور :D :D هاثم تخوش فى القاااائك :D



محمد الله يوفقك ويرفع نجمك انشاء الله وبعون الله بنحضر فرصه نشوفك لانى


مابعد شفتك وثقتنا فيك كبيرة انشاء الله فأنا أعتبرك من أباطرة الشعر

تقبل تحياتى اخوى والله يوفقك انت وكل شاعر ينتمى لنجران


اخوك محمد مدران

[عكروشــان]

وانا مكلف من قبل الأداره بتغطيه ألأمسيه

والله يعينا على التذاكر


عكروشان

[قايد الشريف]

الاخوان الكرام اضم صوتي الى صوت محمد .. وقول للجميع لاحد يركن على الباقين ويقعد .. محمد هذي اول امسيه له ومحتاج من الجميع واقفه صادقه .. وهو هنا يمثل المنطقه وشعراء المنطقه .. الله الله في الحضور ياشباب وخصوصا اللي في الشرقيه والرياض


محمد عويضه / الله يوفقك .. وانا واثق انك رح تظهر بصورة محمد الحقيقيه وتتالق كما هي عادتك

[صالح بن سالم الحيدر]

اخي .....محمد عويضه

هذا اقل شي نقدر نقدمه لانسان وشاعر مثلك...

انا ان شاء الله حاظر الامسيه ...ورايح ارتب مع الاخوان ....هادي ال زليق ...وهادي ال حيدر لحظورها جميعا ومن اراد من الاخوان الباقين ...يامرحبا والله فيهم ....

محمد.....انت اكبر من الامسيه وهذا العشم فيك...



اخيك/صالح ال حيدر

[الحسام]

الله يوفقك يامحمد وانت قادر عليها وعلى اكبر منها
اعذرني والله خارج المملكة والا ماكان انقصرت منك

الاخوان الاعزاء لاحد ينقصر منكم والوقوف مع اخوكم في بداية المشوار ماهي بشي هين .
اتمنى لك التوفيق

[الأطلال]

فــــــرحتك والى خلقك اجيــــــــك عانى ,,,,,,,لو بعدت او طولــــــت فينى المسافه


يسعدنى ابناء هذا الوادى ان يكون لهم امسيات ادبيه وشعريه يجب ان نرقا المنابر

الا دبيه والشعريه نثرا وشعرا لنوصل رساله وادى الا دب والعز (( نجران))))) اتمنى لك

التوفيق والنجاح

[محمد عويضه]

كفو .. كفو ..

صراحه ..

ماتتصورون كيف أنا مرتاح من كلامكم الطيب .. ودعمكم هذا يكفيني عن ألف أمسيه .. وربي إني صادق .

لكن للأسف .. حصل خلاف بين الشركه الراعيه للأمسيات في فندق الشيراتون وتم إلغاء كل الأمسيات .

وأنا والله متفشل منكم كلكم .. وطالبكم المعذره .. في ذمتي إنه ودي إني أتواصل معكم لكن الحظ عاندني في أول أمسياتي .. لكن إللي ريّحني تفاعلكم معي ووقفتكم .. وهذا ماهوب غريب عليكم .

أول مكان أعلنت فيه عن هذي الأمسيه هو منتدى نجران الشامل .. بيتنا الأول .. لأنكم بالفعل أخواني ويهمني حظوركم .

على العموم ..

أتمنى إن الحظ يساعدني وأتوفق بغيرها علشان أرضيكم .


شكرا .. شكرا .. شكرا ..

ولابارك الله في من فشلني معكم .

تقبلوا تحياتي وإعتذاري ...
أخوكم
محمد عويضه

[هادي ال زليق]

والله يامحمد مدري ويش اقول ..

الله يجازي الشركه الراعيه اللي حرمتنا من امسيه كنا نتمناها..

لكن لايجي في خاطرك ياابو عويضه وخيرها بغيرها وان شاء الله

نحضرلك امسيات وامسيات ..

اما موضوع انك متفشل منا وطالبنا المعذرة, فمافيه شي يستاهل انك تعتذر

منا . الموضوع اللي حصل ماكنت السبب فيه وبعدين حنا اخوانك لاتعتذر منا

ووجهك ابيض وانا متاكد ان الاخوان كلهم يشاركوني الراي ..

عموما ياابوعويضه حنا في انتظار امسيه قادمه وان شاء الله تكون قريبه..

وتاكد ان جميع اخوانك معك وياجبل مايهزك ريح..

لك مني كل الحب والتقدير
....