( أحلــى الكلامـ..)

[شووق]

كتب الأمير الشـآعر بدر بن عبد المحسن فقــآل ::

المسافر **

لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..

الموعد الثاني**

خذاك .. الموعد الثاني ..
نويت ... تغيب .. وتنساني ..
مشت بك .. خطوتك لبعاد ..
وتركت .. لدمعتي ميعاد ..
مثل ذا الوقت تلقاني ..
وخذاك ..الموعد الثاني ..

أحبك .. كلها كلمه ..
ونظرة شوق خداعة ..
عطتني ..بالأمل دنيا ..
غريبه .. يومها بساعه ..
خذتني .. غصب عني لك ..
حسبت إني قمر ليلك ..
واثر شوفك تعداني ..
وخذاك ..الموعد الثاني ..
********
صديق الليل ..
لو تندم .. على جرح تركته لي ..
لا انسي قلبك المسكين ..
حبيب جرحك قبلي ..
ولكن سكتك تحتار ..
ابد .. بين الندى والنار..
والى منه قضى المشوار..
بدا مشوارك الثاني ..

مدري**
أنا مدري ..
اللهب حب.. او جوع ..
الحطب قلب .. او السعير .. ضلوع ..
ياترى هااليابس الموجوع ..
وش يقول ؟!
من يسمع الدخان ..
او يدري باسرار الحطب ..
من طرز سلوك الذهب .. في اغصانه ..
من خاط بقماش الرماد.. اكفانه ..
وهذا اللهب .. الطاغي الفتان ..
هالقاتل الشافي ..
من خلى في موته.. عمر ..
لولا حروف قلتها ..
وكانت .. شعر ..
شبيت فـ اطرافي ..

أنتظروا مني دائماً دُرر قالها الأمير الرائع ..

أرق التحيه ..

[الشرقـــــــي]

أختي الغاليه


يعافيك ربي ع هالدرر ع الصبح



وننتظر المزيد من الدرر لايك ذات


وتقبلي مروري


أخوك / الشرقـــــــــــــي

[$$ المـــاسه $$]

صــح ذوقــك يــا شـــــــــووق:cupidarrow:


وصح لســــان شــاعــرها


جمــــيل ماأنتقيــــــتيه هــاهنـــا


لاعــــــــدمنا هالتــواجـــد ..

[أبووسام]

لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..


******

شكرا شووق

لطالما كنتي رمزا من رموز الذوق الراقي في المنتدى


واحببت ان تكون اخر مشاركاتي في الشامل لصالحك


سلااامي وحبي

أبووسام