البدوي والكابوي ! ! ! ! !

[ملفي قريب]

بس عسى ان ذي المشاركة تعجبكم وخاصة الموهبين دحباش و وجرفان ,

يوم جا ذاك اليوم الشين على بدوان بس ايش بدوان يعجبونك وخاشين في الحضارة عرض المهم من الاهم ولا اطول عليكم اجدبت قاعهم والمطر تأخر عليهم والحيا الله يخلف عليهم وذي من القرادة ,

وكان فيه منهم اثنين اخوان الصغير منهم ما يقول للكبير لا لو ايش ما قال الكبير قال الصغير اهدا , ابشر ......... يا حليلهم ولا اما ذلحين حتى الغرير الممعد لي قلنا له شي قام ينافخ ولا فوق راسه راس ولا على الاقل لو بغيهنت منه شي ولا سوى شيء غلط دخلك من وخرجك منا (معلش انسيت اني أكتب لا تلوموني يالربع والله قومني فحر ذولا الغرارين الله يهديهم) ..نرجع للخوان اللي ياحليلهم يوم شاف الكبير لين الحال يوم شان اللي مات من الغنم مات واللي مات من الابل مات ولين الحال يوم شان ولخوان شانت نفوسم ولا معهم الا ذا الحلال اللي معتمدين على الله ثم عليه.... المهم وش اللي صار يوم شاف الكبير الا انه يوصي اخيه يدور للحيا والمطر والخير غير يلحقون على الباقي من الحلال راح يدور لخيه الصغير تلاقوا وقام الكبير ينعت أخيه الصغير يبغا منة الفزعة ويروح يدور للحيا والمطر والعلوم الغانمة الصغير ذا ما شاء الله ركب حصانه الرجال بس ايش خيلهم صدق خيل عليها الكلام ماهي مثل خيلنا ذلحين........

وراح الرجال يدور للمطر والحيا ما خلا مكان بالمملكة الا ودور فيه شمال جنوب ور اح حتى لليمن وعرض على دول الخليج الين ماش وهمهالاول والأخير أخيه والحلال وربعه يوم شاف انها خلاص مر الظهران وراح لمطاره الدولي ودخل حصانه وصفط الحصان في الباركنغ (اللي هي المواقف ) ماهوب هين ذا البدوي والجهر اللي جايكم ذلحين بتقرح روسكم شيب من الجهر المهم راح الرجال لمكتب اهلا وسهلا للخطوط السعودية .....

سألهم عن الرحلات القادمة من الخارج علموه انها الصالة رقم 4 لوجود طائرة قادمة من أمريكا دخل الرجال الصالة فشاف بدوي من بدو أمريكا اللي هم الكابوي جاس على كرسي في غرفة منفردة المصبيه الكبرى اللي قاله للامريكي اللي جهرني وبق عقلي المهم همه بس الحيا يبغى يشوف عندهم مطر ولا لا اقبل البدوي على الكابوي وقالة :

Good night يرجال مسيك بلخير * أقصدك يا غمر جلس وسط This room
Tell me علومك قبل تنزل من ال Chair *وDon’t move لا تنزل وانا فيك ملزوم
ياsir خبرنا المطر عندكم Where * وMy be نروح دياركم جعلها القوم
وHow much شدة يا فتى للمظاهير*والشيب يشبع لا قضى ال Haveمن يوم
وال Lunchبعنزلك ولا هو بخنزير * You عندنا Today للكبش معزوم

اللي جاهرني ذا البدوي وذي القصيدة واللي عاده يبق العقول الرد اللي رده الكابوي على البدوي .....................


شوي ..................










انشاء الله يكون ماسبق انه اعجبكم ولا على الاقل انه جهركم مثلي من يوم علمني البدوي بذي السالفة وانا راسي قاب شيب (واحد مسوي فيها )!!

اشوف الرد اذا كانت معجبتكم وريت انالردود تحمس عطيناكم رد الكابوي ّّّّّ،،،،،

واذا فضيت لي يوم مثل اليوم حطيت الرد ودكم ترضون ولا ماترضون مغثيكم مغثيكم خاصة الثنائي الرائع و الأكثر من رائع [ دحباش]و [جرفان ]ولكل من دخل المنتدى ,,,,,,,,,,,,,,,,,,,,وسلامتكم يالوناسه اللي في نحاسة.






@ملفي قريب@