اول قصيده لاتحرمونا من رايكم

[عدالروى]

هاذه القصيده تعتبر المحاوله الاولى لي في كتابت الشعر ارجو من الشعراء الكرام تدقيق الابيات اذا الوزن فيه خلل يفيدونا ومن هم نستفيد مع الشكر الجزيل للقائمين على هاذا المنتدى الرائع والمفيد للمبتدئين امثالي........


البارحه نوم العرب مــــا بغيته
ارتب افكـارًفي فكـــري مــخباه

فكري أفله وبحثه ثم طـــــويته
ادور ابيـــــاتً جزيـــله مقفاه

يامـــا كتبت الخط يامـــا محيته
جف القلم من كثر ماكتبه ومحاه

ابمدح الي بالمـــــــدايح نويته
يطيب لي مدحه وذكره وطرياه

لوالمســــافه تبعده مــــــــانسيته
لوهوورى ديارًبعيده وصـــــلناه

سلطان هاك الجمس غيرلي زيته
وحرص على كل التواير معباه

بادق سلف الجمس وشب ليته
وسري عليه الليل يازين مسراه

جمسً جديدً للمســــاري شريته
مايكره الممشاء ولوطال ممشاه

ابا صل الي لا لفيته في بيته
شفت الســعد متبينً في محياه

دخيل بن صالح ينومسك صيته
عنده هلا والبن والعود يقفــــاه

نحرالـــسمينه دوم يده ضا ريته
ل ضيف سلمً عليه العود رباه

عزالله انك لا نصـــــــيته لقيته
عزالرفيق وعز من هو تعزواه

جودً تميزبه وبوجــــــهه قريته
نفسه لوتوزع وزعها بيمــــــناه

وخـــتامـــها شعر ًبديته نهيته
صلوعلى محمدالرحمه المهداه

[الأشـهـب]

صح لساانك ملااايين

قصيده جميله وفي غاية الروعه

وفي رأأي ما فيها اي خلل في والوزن ولا القاافيه

واعجبني هذا البيت صراحةً

عزالله انك لا نصـــــــيته لقيته
عزالرفيق وعز من هو تعزواه


فالك التوفيق والنجاح

[ليل المتقلم]

صح لسانك وبيض الله وجهك

ويستاهل المدح من هو خوي زي الرجال اللي تمدحه

لانك ما عاد تلقى مثله في ذا الزمن


تحياتي لك

ليل المتقلم

[علي الناصر]

عزالله انك لا نصـــــــيته لقيته ...عزالرفيق وعز من هو تعزواه


ونعم بك وبه

وصح لسانك

وحياك الله اخوي تشرفنا بك وسعدنا بحضورك

قصيده رائعه مكتمله ومعاني ساميه

لاهنت وسلمت

ننتظر منك جديدك بكل ود وتقدير

......................

الصفحة

تشكر من مر ورد

وتنتظر من مر وصد

[سبتمبر]

اللهم صلي على محمد وآل محمد
صح لسانك اخوي قصيدة رائعه للمبتدئين
صدقني لك مستقبل باهر
ارقااااااااااااااااااااااء سنود
تحياتي
ــــــــــــــــــــــــــــــــــــــــــــــــــ ــــــــــــــــــــــــــــ
اخيك سبتمبر

[ساري الغداري]

عد الروى

الله لايهينك على هذه البدايه الطيبه

وعز الله انها بدايه موفقه جدا

قد يكون هناك بعض الابيات غير موزون بالوزن المطلوب ولكن اقول بدايه موفقه جدا

وفيها ابيات جميله جدا ووزنها جميل جدا ومعضم القصيده تبشر بالخير والى الامام

فيه ابيات صراحه اعجبتني كثير في القصيده ومنها

فكري افله وابحثه ثم طويته
ادور ابيات (ن) جزيله مقفاه

جمس جديدن للمساري شريته
مايكره الممشا ولوطال ممشاه

عز الله انك لانصيته؟؟؟؟ لقيته
عز الرفيق وعز منهو تعزواه

فاقول لك اخي العزيز ::::::::::::: عد الروى عليك بالاهتمام قليلا بالوزن وانشاء الله راح

تكون من احد الشعراء المميزين والبارزين في الساحه الشعريه

وعليك باستخدام احد الالحان المناسبه لاول بيت بالقصيده وتركيب البيوت على هذا اللحن لكي

تخرج بقصيده موزونه وزن كامل ومميز

وفقك الله ولاتقطعنا من اشعارك الطيبه اللتي قد يكون معناها اهم من كلماتها

فانا سعيد بهذه البدايه وانشاء الله بداية خير

تقبل تحياتي