رفض صاحب هذه القصيدة .....

[سايق الخير]

ياشوق وادعني ترى باكر اروح
ما دام عندك بس ذا اليوم باقي
بس لي تريَض يامنى الروح لاتروح
اخاف مابعد المفارق تلاقي
ايَست من قربك وانا بازعج النوح
وما لي ورى صبرٍ صبرته مطاقي
يازين غيرك ما لنا فيه مصلوح
وان كان مالغيري من الناس شاقي
يازين تكفى قبل ما اروح مجروح
ابغى الموادع من شفاتك مذاقي
وانعى مناعى الورق وان جهجل الدوح
وان شم ذعذاع الهبايب وساقي
لعبت فيني لعبة الموج باللوح
لا من غدى له بالبحور اصطفاقي
اما ارضني ولا ترى ما انت مسموح
بفراق والله ما يعقبه تلاقي
اخاف من فرقا ولد نوح عن نوح
بعد المفارق شين يوم التلاقي


الشاعر/رفض ذكر اسمه على الاطلاق.

[المحور]

ليش ياسايق الخير تحرمنا من معرفة اسمة واللة يستاهل الجميع يعرف اسمة وانت يااخي اسمك سايق الخير المفروض الاسماء الحلوة اللي زي كذا تقول كلام كلة حلو

[درع نجران]

صح لسانك ياسايق الخير ولسان قايلها والله يعطيك العافيه على وضع القصيده في المنتدى والله يعطيك العافيه مع اننا نرجوا منك ان تدعوا الاخ صاحب القصيده لمشاركتنا هنا في منتدى الشعر الشعبي




>>>>>>>درع نجــــــ:)ــــــران<<<<<<<<<<<<