السكرتي
09-06-2002, 05:04 PM
السلام عليكم ورحمة الله وبركاته ...
استعنا بالله .. بنقلب المحوال وياويل من قرب المكينه. ( كم افتقدتك ياجربتنا ):rolleyes:
قبل فتره ليست ببعيده حملت السكرتيه ( المدام ) حقنا .. وعلمكم بشوعهم ( واحم ابا وابا وابا ... واخرتها ابا شغاله ) .
يالله بعضيم الخيره .. في البدايه كنت رافض الفكره من اساسها وبعد محاولات مضنيه جاني اخيها (واحد معثور ) وجوب علي بذاك الجواب الطويل اللي ختمه هنيا 4000 ريال تجي لبنتنا بشغاله والله يعينك على راتبها ..
قد ذا علمك ... قم والله لكون مايقولون انه تدوس في عطف نسيبه وانه شل الدراهم .... هات الدراهم واجعلها الاوله التاليه..
واسرح من ضوح الصبح صوب الاستقدام ونعومكم بالاستقدام ( 10 ) دقايق والفيزه معي .. واخليها تعدي صوب مكتب استقدام ( نصاب ) وآخر يا( 45 ) يوم .. والمره تحطحطت مازاد شلت ولا حطت في روا ذا الشغاله. :D :D
عز الله كلموني ورحت اجيبها من المطار .. ولين والله ان ذا النايحه يوم خرجت على .. مشخصه في ذا الجينز والشعر منفول والحقيقه حركت المشاعر وأيام (الباحه) .. واركبها ورا .. واشغل لها المكيف وحي ذا الشوف.
وفي الطريق انفرط قير السوبر .. قلنا حصلت .. ذا أول علم من مجي الشغاله.
المهم...
اصبح عندي بين يوم وليله ( سكرتيه نظاميه ) وعندي عليها ترخيص و(سكرتيره) لها بنظام الاقامه .. وتبون الصدق ان ( السكرتيره ) ازن من (السكرتيه ) لكونها سالمه انفها.
ماعلينا ( واحد يرش كبده ):D :p
في البدايه اعطيها ذا الـ(600 ) ريال كني اتقهوى .. وشوي شوي افلت ( السكرتيه ) وشددت على الحصار .. مابلا ادركه ادركه. ( الكفيا ) شعار من لديها شغاله حتى لي به (صيني) منكسر في الحوش دعوا الشغاله.
ويوم خذيت ولين والله ان قد عيالي يدعون الشغاله تزين لهم ( اندومي) وشوي لين قد هي تزين المكرونه والمره انتفخت .. عليكم وعلي (مريم) .. والشغاله فيها ذا العود اللي صلاتي على محمد.
وما ودي اطول عليكم ( واحد مغث) بس جاتكم المدربجه....
ليلة ربوع يصبح خميس .. علمت ( السكرتيه ) وقلت لها .. المرضوفه يابنت الشيبه مع ضوح الصبح لا تقوميني الا والدله والفطور جاهزه .
عز الله قومتني ونصفها عواير ... عز الله قمت ووصيتها تقوم العيال اللي ماعادهم يرقدون الا قرب الفجر من السمره على التلفزون .. قالت خلهم ينورون .. قلت لها نوروا في قرنش قوميهم يفطرون معي ويعودون يرقدون ( واحد ديكتاتوري يبغى فطوره يهناه على حساب راحة عياله ) المهم زز قاموا غصبا من ذل ( السكرتي الراقد ) .. وغير وصي الشغاله تزين لهم حليب ..
قعدوا ذا الغران يبوني افطر عليشان يعودون يرقدون .. والمره في المطبخ هي وبطلة هذه السالفه ( السكرتيره )
ولا خذيت الا وذا المدهن اللي من الحجم ( المتوسط ) يوم حصل .. ولين بربرته مسقفه .. وطبعا أهم مافي السيناريو فتح الغطاء ..
وافتح الغطاء ولين ريح السمن يوم فقع راسي .. ابو ( سكروت) ايش ذا السمن .. وترد ( السكرتيه ) سمن بري ..
ويوم والله دليت بأول لقمه .. .. فغير وقف ياشعر راسي .. ويش ذا .. فغير حمري وصفري وادعي الشغاله ..
من فين هذا سمن .. وترد الشغاله ( هذا من سوا سوا زيت حق رز ) وليني طايح في مرضوفة ((((( زيت عافيه )))).
وبعدها بكم يوم قلعت الشغاله .. وحلفت يمين ( واحد مصري ) ماعاد تطب لي بيت .. وآبشركم المره خفت والعيال ادمنوا ( الاندومي)
بتعلموني ويش حاجة الشغالات .. هكذا كانت الوسيله ووعيكم هو الغايه.
السكرتي
استعنا بالله .. بنقلب المحوال وياويل من قرب المكينه. ( كم افتقدتك ياجربتنا ):rolleyes:
قبل فتره ليست ببعيده حملت السكرتيه ( المدام ) حقنا .. وعلمكم بشوعهم ( واحم ابا وابا وابا ... واخرتها ابا شغاله ) .
يالله بعضيم الخيره .. في البدايه كنت رافض الفكره من اساسها وبعد محاولات مضنيه جاني اخيها (واحد معثور ) وجوب علي بذاك الجواب الطويل اللي ختمه هنيا 4000 ريال تجي لبنتنا بشغاله والله يعينك على راتبها ..
قد ذا علمك ... قم والله لكون مايقولون انه تدوس في عطف نسيبه وانه شل الدراهم .... هات الدراهم واجعلها الاوله التاليه..
واسرح من ضوح الصبح صوب الاستقدام ونعومكم بالاستقدام ( 10 ) دقايق والفيزه معي .. واخليها تعدي صوب مكتب استقدام ( نصاب ) وآخر يا( 45 ) يوم .. والمره تحطحطت مازاد شلت ولا حطت في روا ذا الشغاله. :D :D
عز الله كلموني ورحت اجيبها من المطار .. ولين والله ان ذا النايحه يوم خرجت على .. مشخصه في ذا الجينز والشعر منفول والحقيقه حركت المشاعر وأيام (الباحه) .. واركبها ورا .. واشغل لها المكيف وحي ذا الشوف.
وفي الطريق انفرط قير السوبر .. قلنا حصلت .. ذا أول علم من مجي الشغاله.
المهم...
اصبح عندي بين يوم وليله ( سكرتيه نظاميه ) وعندي عليها ترخيص و(سكرتيره) لها بنظام الاقامه .. وتبون الصدق ان ( السكرتيره ) ازن من (السكرتيه ) لكونها سالمه انفها.
ماعلينا ( واحد يرش كبده ):D :p
في البدايه اعطيها ذا الـ(600 ) ريال كني اتقهوى .. وشوي شوي افلت ( السكرتيه ) وشددت على الحصار .. مابلا ادركه ادركه. ( الكفيا ) شعار من لديها شغاله حتى لي به (صيني) منكسر في الحوش دعوا الشغاله.
ويوم خذيت ولين والله ان قد عيالي يدعون الشغاله تزين لهم ( اندومي) وشوي لين قد هي تزين المكرونه والمره انتفخت .. عليكم وعلي (مريم) .. والشغاله فيها ذا العود اللي صلاتي على محمد.
وما ودي اطول عليكم ( واحد مغث) بس جاتكم المدربجه....
ليلة ربوع يصبح خميس .. علمت ( السكرتيه ) وقلت لها .. المرضوفه يابنت الشيبه مع ضوح الصبح لا تقوميني الا والدله والفطور جاهزه .
عز الله قومتني ونصفها عواير ... عز الله قمت ووصيتها تقوم العيال اللي ماعادهم يرقدون الا قرب الفجر من السمره على التلفزون .. قالت خلهم ينورون .. قلت لها نوروا في قرنش قوميهم يفطرون معي ويعودون يرقدون ( واحد ديكتاتوري يبغى فطوره يهناه على حساب راحة عياله ) المهم زز قاموا غصبا من ذل ( السكرتي الراقد ) .. وغير وصي الشغاله تزين لهم حليب ..
قعدوا ذا الغران يبوني افطر عليشان يعودون يرقدون .. والمره في المطبخ هي وبطلة هذه السالفه ( السكرتيره )
ولا خذيت الا وذا المدهن اللي من الحجم ( المتوسط ) يوم حصل .. ولين بربرته مسقفه .. وطبعا أهم مافي السيناريو فتح الغطاء ..
وافتح الغطاء ولين ريح السمن يوم فقع راسي .. ابو ( سكروت) ايش ذا السمن .. وترد ( السكرتيه ) سمن بري ..
ويوم والله دليت بأول لقمه .. .. فغير وقف ياشعر راسي .. ويش ذا .. فغير حمري وصفري وادعي الشغاله ..
من فين هذا سمن .. وترد الشغاله ( هذا من سوا سوا زيت حق رز ) وليني طايح في مرضوفة ((((( زيت عافيه )))).
وبعدها بكم يوم قلعت الشغاله .. وحلفت يمين ( واحد مصري ) ماعاد تطب لي بيت .. وآبشركم المره خفت والعيال ادمنوا ( الاندومي)
بتعلموني ويش حاجة الشغالات .. هكذا كانت الوسيله ووعيكم هو الغايه.
السكرتي