المساعد الشخصي الرقمي

مشاهدة النسخة كاملة : المساويك

كريم سبلى
05-06-2002, 01:57 PM
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي ..



[B][COLOR=seagreen]
http://
أحمد آل حارث
07-06-2002, 03:01 AM
الاخ الشاعر كريم سبلى والله انك

اكرمتنا بهذا الكلام العذب واضفيت

علينا جو آخر بهذه الدرر الحره

كلمات لها رونق خاص سطرتها باجمل

صوره صح لسانك وتسلم يمينك

وتقبل خاااالص تحيااااااااتي,,,
كريم سبلى
11-06-2002, 07:00 AM
الاخ احمد ال حارث ونعم اللحيه

يكفيني شرف مرورك يا طويل العمر من شاعر اكن له كل الحب والتقدير


مثل الوهم بين الهواجيس خداع

مثل التعب لاصرت بالمشي مجبور

مثل الظما يرسم جفافه على القاع

مثل السهر في ليله ما بها نور
قيض الشــــتاء
11-06-2002, 08:21 AM
الأخ العزيز كريم سبلى

بساطه حوت جمال من نوع اخر .... مضمون كالهديه الرائعه المغلفه بجمال تستحقه ..... انت شاعر تستحق منا المتابعه ونستحق منك الإبداع
كريم سبلى
11-06-2002, 01:00 PM
الاخ العذب الرائع قيض الشتاء لا عدمته

والله مرورك بحد ذاته تحفه وشرف لي طال عمرك وشاعر في مقامك وروعه حظورك وسام اعتز فيه
قايد الشريف
13-06-2002, 08:45 AM
لاهنت ياذيبان كلام يوصل للقلب ويستقر فيه بدون اذن .. بساطه في الطرع رائعه كروعتك انت كريم سبلى

اخيرا تقبل اعتذاري في التاخر في الرد عليك .. وبانتظار اجملك


اخوك / الشريف قايد
كريم سبلى
15-06-2002, 02:37 PM
للاخ قايد الشريف.....

تحيا وتبقى طال عمرك انت موجود حتى لو ما رديت يا ذيب ويكفيني شرف مرورك في اي لحظه



ياماخذ قلبي خذيتك عشاقه
لوكنت نار فرغبتي شعله النار
احلى زماني في عيونك مذاقه
وحلى من احلى قولتي فيك الاشعار

وتقبل تحياتي
فيصل اليامي
15-06-2002, 08:41 PM
كريم سبلى ...
.
.
.
.
.
.
.
قصيده تحمل مضامين رائعه ..



( ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي )

مقطع يستحق القراءه اكثر من مره .
سايق الخير
15-06-2002, 10:42 PM
الأخ كريم سبلى

احيانا كثيره البساطه تعبر الي القلب بدون تملق

وهذه البساطه أظهرت في حناياها الجمال

نحن في الانتظار للأجمل
محمد بن مدران اليامي
16-06-2002, 06:35 AM
لا يأتى من الكريم الا الكرم ........... روعه من جد روعه .. تسلم أخوى


ولكن ما نقول لك الا تراك فتحت على نفسك مجال بالنشر يعنى نرغب بالمزيد

فهل من مزيد :mad:


لكن وين قابلت راعية المساويك :D أعترف يعنى انت :D



تقبل كل حبى وتقديرى
كريم سبلى
16-06-2002, 07:14 AM
والله العظيم عقد الماااااس ....
مرور الشاعر الرائع المبدع الحلو ( اعتراف الطرقى اللي في اذاعه دبي )فيصل اليامي

والشاعر المشرف سايق الخير اسم رائع حسسني بوجودي في هذا المنتدى الاصيل واللي زاد الروعه روعه مرورك يا سايق الخير
كريم سبلى
16-06-2002, 07:17 AM
الشاعر الفيلسووف المتقن في لوحاته الشعريه .. محمد بن مدران اليامي
والله انت الكريم وتستاهل الزين .... اما راعيه المساويك خلها امساتره
لاحد يبحث السد
صالح بن سالم الحيدر
17-06-2002, 01:14 PM
انت كريم وحن نستاهل روائعك ايه المبدع


وهذي الرائعه جميله وفيها عبر للناس اللي تفطن فيها .........

اشكرك على طرحها وفي انتظار الاروع......



اخوك/صالح ال حيدر
كريم سبلى
17-06-2002, 01:34 PM
الاخ صالح بن سالم ال حيدر

الله يطول عمرك مرور شاعر في مكانتك واصلك شرف لي الله يعزك