طعن الجنابي

[شخص مهم]

يالله يا عالم بهمي و مابي= يا خالق العله وخالق دواها

تسدد خطاي لطريق الصوابي = وتميل هموم الظهر ما قواها

البارحه ونيت ما حد درابي= كني شويخٍ مات برثه و تاها

بيني وبين النوم سد وحجابي= اعد نجماتٍ بعيدٍ مداها

من سبة الي رمش عينه سرابي= الجادل اللي كل زين حواها

ما كمل العشرين توه شبابي= فيها بدا عمر الزهور يتباها

لا قمت اعد خطاه ضاع الحسابي= يمشي مسافه واحسبه مامشاها

فديت ذيك العين هي والنقابي= فديت قولة (مرحبا) من شفاها

احتاجها في قربها والغيابي= واحب نظرتها ولمعة لماها

بيني وبينه واسعات الشعابي= وحصون ما ترحم غريبٍ وطاها

ماتوا رجاجيلٍ وطاحت رقابي= علشان شوفتها وجلسه معاها

لكن عريب الجد ماهوب هابي= والله لاجيها ولاطلب رضاها

دام النهايه دايمٍ في الترابي= ما همني ليراح راسي فداها

اما يقولوا ذاق طعن الجنابي= ولا يقولوا عاش (......) سباها

[عكروشــان]

قصيده روعه بكل المقاييس

كلمات ومعاني ولأ اروع (( صح لسانك ))

ابداع اخي العزيز

في انتظار المزيد



عكروشان