السكرتي
03-06-2002, 11:38 AM
السلام عليكم ورحمة الله وبركاته....
قال ايش خلنا يفين ان حن .. نعزم ( مسفر ) بعد عمليه ( المواسير ) اللي سواها في الشميسي .. وقال ايش .. ( لقفها لقفوه ) .. مابلا عطيناه العلم وقال هدا ولكن قدني طالبكم في طلعه في حبل العارضه ابا (( آتمدد ))).
المهم .. اتفقنا يوم خميس نصف القايله ( يوم الله رضخ عقولنا ) ولين حن سته شباب منفقعين مابلا ردم في ذا التيوس .. المهم ان المدبر فينا قال انا بالحقكم حول الغيبه .. مواعد الشيبه اوديه مستشفى ماقان ( نفسي اعرف ويش ماقان ) ..
ياولد صرف الشايب .. مافيه فايده .. ولين معه له هوندا سحقا .. ولا بلا بالببسي في ذا الكفرات .. وقدهو فاتح حساب عند هنا يماني ياخذ مني كل ثاني يوم ببسيه.
المهم طلعنا .. واطبخينا الشمس ولا صدقنا بالعصر ياتي .. نبرد شوي .. وعلمكم بالقاع .. تقلي البيض .. بس نفسي اعرف ويش معنى ( قيض الشتاء) .. المهم .. ويش انا لكم فيه .. ايه في الهوندا .
خوينا ماصدق ينجز الشيبه .. وحرك .. يبى العشى الامحق .. ومن القراده مر على المحطه اللي ورا المطار يحلق ( على حد تعبيره ) لا ما ولا غيره.
حول الرجال مع التحويله اياها .. من جنب الجبل .. ومن ذله لا يغرز (( ادخل رجله في المكينه )) . ناكس العقال وطاق الشمسيه .. وهات يامسجل .. ولا حوله من ذا الطواري باس.
ومن خط يمين الي خط يسار دجم الرجال مازاد درا اين هو فيين .. والليل قرب .. وقام يخبط في ذا القاع .. حادر زابل .. لين خذ راسه .. المهم انه اقبل على ذاك العرق وغير تلزمي الملعونه ( الهوندا طبعا) فيه وتحطحطي مكانها ..نسم .. ناوشها قدام وورا .. والليل اقرب من وجه الموتر.
المهم وبعد جهد ومعاناه .. طلعت المقروده .. وعود علي علسه .. حادر زابل.
المهم زي ما أسلفت الموت ولا يخفف من ذل التغريز وبعدين يكتشف قدراته في ذا البليه اللي صارت مدمنه ببسي.
قال ومع الحفله اللي فيني ماحلمت وعلمت الا وانا في ذاك المحواش بين الغنم .. وينزل الرجال فيه من الخلعه ماقال الله
ويقبل عليه ذاك الهمامي ( مالك لابوك روعه ياوليد ) .. ولين قد كبده يابسه .. قال عطلي ماء .. وبعدين ويش انت حاط محواشك في وسط الخط ( مسكين نيته انه في الفيصليه) .. قال ويجيني المعثور بنحاسه فيها ماء من علي هنا خزان .. قال يوم قربتها من ثمي .. ولين فيها ريح غنم ... ولين قد كبدي يابسه من الفحر قال واشرب لين رويت .. حي ذا الشوف .. قال والتفت للماخوذ سر دف معي ذا البليه نخرجها .. قال وازن مافيه ان الغنم في محواش اخر وذا مابلا ( الاستراحه حقتها ) .. واسر الرجال بعد ماخرجوا السياره .. واهبد لاتهبد .. لين وقفت من البنزيم ,, واسر الرجال على رجله ( قال ايش هوندا قال ) .
المهم انه عود وامسى في السياره .. ويوم اصبح ولينه حول تصلال ( قال قرى قال ) وحن يوم تباطيناه تعشينا عشى الحادي .. جانا سافي ثم لعب في لحمنا .. والضيف الاسحق سهي الحبوب ثم قام يتونون علينا ( تشيواع) ونسري وكل شي يطري لنا ان الخبل ضايع.
تلاقينا ولا خلا علينا وحن مازاد تلازمنا من الضحك عليه .. واخرتها باع الهوندا بكلب سرق هله.
والخلاصه .. يازينك ياماجلان ( جهاز الملاحه) مهو بعيش.
السكرتي
قال ايش خلنا يفين ان حن .. نعزم ( مسفر ) بعد عمليه ( المواسير ) اللي سواها في الشميسي .. وقال ايش .. ( لقفها لقفوه ) .. مابلا عطيناه العلم وقال هدا ولكن قدني طالبكم في طلعه في حبل العارضه ابا (( آتمدد ))).
المهم .. اتفقنا يوم خميس نصف القايله ( يوم الله رضخ عقولنا ) ولين حن سته شباب منفقعين مابلا ردم في ذا التيوس .. المهم ان المدبر فينا قال انا بالحقكم حول الغيبه .. مواعد الشيبه اوديه مستشفى ماقان ( نفسي اعرف ويش ماقان ) ..
ياولد صرف الشايب .. مافيه فايده .. ولين معه له هوندا سحقا .. ولا بلا بالببسي في ذا الكفرات .. وقدهو فاتح حساب عند هنا يماني ياخذ مني كل ثاني يوم ببسيه.
المهم طلعنا .. واطبخينا الشمس ولا صدقنا بالعصر ياتي .. نبرد شوي .. وعلمكم بالقاع .. تقلي البيض .. بس نفسي اعرف ويش معنى ( قيض الشتاء) .. المهم .. ويش انا لكم فيه .. ايه في الهوندا .
خوينا ماصدق ينجز الشيبه .. وحرك .. يبى العشى الامحق .. ومن القراده مر على المحطه اللي ورا المطار يحلق ( على حد تعبيره ) لا ما ولا غيره.
حول الرجال مع التحويله اياها .. من جنب الجبل .. ومن ذله لا يغرز (( ادخل رجله في المكينه )) . ناكس العقال وطاق الشمسيه .. وهات يامسجل .. ولا حوله من ذا الطواري باس.
ومن خط يمين الي خط يسار دجم الرجال مازاد درا اين هو فيين .. والليل قرب .. وقام يخبط في ذا القاع .. حادر زابل .. لين خذ راسه .. المهم انه اقبل على ذاك العرق وغير تلزمي الملعونه ( الهوندا طبعا) فيه وتحطحطي مكانها ..نسم .. ناوشها قدام وورا .. والليل اقرب من وجه الموتر.
المهم وبعد جهد ومعاناه .. طلعت المقروده .. وعود علي علسه .. حادر زابل.
المهم زي ما أسلفت الموت ولا يخفف من ذل التغريز وبعدين يكتشف قدراته في ذا البليه اللي صارت مدمنه ببسي.
قال ومع الحفله اللي فيني ماحلمت وعلمت الا وانا في ذاك المحواش بين الغنم .. وينزل الرجال فيه من الخلعه ماقال الله
ويقبل عليه ذاك الهمامي ( مالك لابوك روعه ياوليد ) .. ولين قد كبده يابسه .. قال عطلي ماء .. وبعدين ويش انت حاط محواشك في وسط الخط ( مسكين نيته انه في الفيصليه) .. قال ويجيني المعثور بنحاسه فيها ماء من علي هنا خزان .. قال يوم قربتها من ثمي .. ولين فيها ريح غنم ... ولين قد كبدي يابسه من الفحر قال واشرب لين رويت .. حي ذا الشوف .. قال والتفت للماخوذ سر دف معي ذا البليه نخرجها .. قال وازن مافيه ان الغنم في محواش اخر وذا مابلا ( الاستراحه حقتها ) .. واسر الرجال بعد ماخرجوا السياره .. واهبد لاتهبد .. لين وقفت من البنزيم ,, واسر الرجال على رجله ( قال ايش هوندا قال ) .
المهم انه عود وامسى في السياره .. ويوم اصبح ولينه حول تصلال ( قال قرى قال ) وحن يوم تباطيناه تعشينا عشى الحادي .. جانا سافي ثم لعب في لحمنا .. والضيف الاسحق سهي الحبوب ثم قام يتونون علينا ( تشيواع) ونسري وكل شي يطري لنا ان الخبل ضايع.
تلاقينا ولا خلا علينا وحن مازاد تلازمنا من الضحك عليه .. واخرتها باع الهوندا بكلب سرق هله.
والخلاصه .. يازينك ياماجلان ( جهاز الملاحه) مهو بعيش.
السكرتي