عطبت وشمها الثعل

[فتى كوريا]

السلام عليكم
ماجورييين والسلامة وويش حالكم
قدني والله مشتحن لكم....واشوفكم مدهرين وانا ماني بموجود...ما نقول لنا الله..لنا الله يا خالي من الشوق...اسف مسكت معي على الاغنية بالغلط...
ايوة ايش انا باقول...ايوة تذكرت الموضوع السابق موجه الى المنتخب السعودي...وحن قاعدين في المحاضرة قبل شهر قال واحد الماني ماني ادانيه مجموعتنا هي السعودية وبنفوز عليها والكاميرون وايرلندا وذولا صعبين....لكن اتوقع نتعادل مع وحده ونفوز على وحدة بصعوبة....فانقز فيه فلت مستحيل تفوزون علينا.....قال تراهن قلت اراهنك على عشاء في تي جي اي فرايديز...اسالوا هل امريكا من ذا المطعم....فضحك قال واذا تعادلنا بعد انت فايز...قلت براسك...ويوم راحت مني القحشة وليني يوم تحسفت....دريت اني خسران خسران...تجمعنا في بيتي انا والسعوديين وقدهم دارين بالرهان...وزاد جاونا هنا ثلاثة بريطانين والالماني ذا وخويته المهم اني من زود القحاشة لبست ثوب سعودي وتعصبت علشان يذل ولا ينسحب ولين ما هو بحولك....بدت المباراة...مباراة اللطم...سجلوا الالمان اول هدف وطلع خطأ وثاني هدف الي هو اول هدف في المباراة محسوب فقام الالماني يضحك ولاعاد تقرع...وانا قام وجهي يتقلب...قلت له هذا اسلوب السعودية يبغون يمتصون قوتكم بعدين بنوريكم...قال ايه هين...ولين الاهداف يوم قامت مثل المطر ثاني هدف ثالث هدف الرابع....جاء الشوط الثاني ومثل ماهم الخامس...السادس...نطيت وقلت انا باروح ارقد...قال لي الالماني متى تبغى نطلع نتعشى....قلت له مابعد خلصت المباراة علشان نحدد...قال اوكي باكلمك بكرة....قلت في خاطري هذا اذا رديت عليك....
رقدت يوم جاء اليوم...ولين الجوال يدق مكالمة بدون رقم قلت انها من السعودية....اثر الحبيب يضغط هنا ارقام هاثم يدق ما يطلع رقمه وليني بابو الشباب درى اني باشكله...قال لي يالله متى العشى قلت له خلني اخلص اختبارات هاثم بنتفاهم.....
ها واليوم انا طالبكم تشوفون لي حل...ماهو بهم العشاء لكن ما ابغى اعشي ذا البلا.........
على العموووووم القصة حقيقية لكن ماحصلت لي حصلت لواحد مستور....وفي نفس الوقت الي ذكرته في الموضوع
لكن ما اقول لمنتخبنا الا عطبت وشمها الثعل....الله يخارجنا
فتى كوريا

[قيض الشــــتاء]

شف يا طويل العمر
يخرج من اللسان ما يقطع الرقبه
الرجاجيل لهم عشاء وانا اشهد انهم يستاهلونه ........ ولازم تكون روحك رياضيه حتى وانت مهزوم بثمانيه ........ عادي يا خي فزنا على مكاو بسبعه وعلى بنغلاديش بثمانيه وذولا عندك البنغال حن احب من يدعس عندهم ولا قالوا شي ....

سوال : هل كنت فعلا تتوقع فوز السعوديه !!!!!!!

ج : نعم : اذا انت تعيش في كوكب اخر ( خارج حدود المجره )

[الفيصل]

بســـــــــــم الله الرحمن الرحيـــــــــم



السلام عليكم ورحمه الله وبركاته ...................


اررررررررررررررحب مرحباً ألوف ملفه يا فتى كوريا وحياك الله وعسى الاختبارات انتهت على خير انشاء الله تعالى وحياك الله من جديد اخي العزيز الغالي فتى كوريا .........


اما من ناحيه المباراه فيش كلف نزعان على الرهن وهو داري إذا خرجنا بالثمانيه فزين البارح رحت اشجع عليشان يوم فازوا علينا لأنهم بس سجلوا ثمانيه معاد فضحونا وسجلوا اكثر يعني 20 ولا 30 :D والخير جاي في الطريق انشاء الله فاحسن للمنتخب ان ينسحب عادحن بدم وجيهنا .......:D ;)


اخوكــــــم / الفيصــــــــل

[دحباش]

حقه ماعينهنت اللا المنتخب السعودي تخاطر به .
شف ليهو بيخاطرك في مباراة الكاميرون والمانيا هذي انت بتكسبها اذا هو ودك. واللا فاجعلها ياها والمراهنه .
اما المطعم غالي ياخبير <== يعنني اعرفه

في الدعه