براد قشر محور .. ملحمه طينيه !!

[السكرتي]

بسم الله الرحمن الرحيم ...


كان هادي شاب مولع بالعاب ( السمران " الشغله فيها جلد في سوق الخضره") والبيلوت .. ولكن الشايب ناشب في حلقه .. منين رايح ووين جاي ( شيبه ) وهادي الله يهدينا وياكم .. اقرد من بقعاء .. كذوب .. وكل طريق تسعه ..

المهم ان فيه لعب في الاملاح .. ولا عين طريقه للملصه .. قال ياولد سر الشايب معك .. المهم وبعد محاولات مضنيه مانفع مع الشايب .. قال ياولد اقنع العجوز ارب تحرك عاطفة الشايب .. وشوي الا والعجوز اقرب منك .. القطابه اخر موديل .. وزليخا تنش ..

المهم انها دخلت على الشايب .. وهو غايص في قارورة ( وزلي ) اللي مايعرف الوزلي يراسلني على البريد الالكتروني .. قم يابو هادي .. بنسري صوب " ماقان" في كبدي فاحس .. يسين عليش يرد عنتر .. اقوم ازين لش قشر .. قلنا لك قم " ماقان " والاخ هادي كاوي الغتره وداس الجنبيه تحت المرتبه ..

المهم تحاوشوا في الشاص .. ولين الشايب متعشي له " ذره في لبن " وقدهو يهقد .. والعجوز رقدت ساع حركوا .

اخونا في الله مبسوط بس انه حاين كيف القيله .. وين يغدي بذا الشيبان .. ياولد .. سرهم معك خلهم يقزون شوي وقل لهم انه زواج لخويك .. ولازم تحضر .. ولا عاد الله بصايب الشايب قدك مقبل به معك لي زواج خويك ..

المهم وصلوا "الاملاح" ويش ذا "ماقان" لا يابه نفداك الا ذا زواج خويي في الصف " مرزوق" قال ويش خانتنا فيه .. سر امك صوب ماقان يفقدونها .. قال قد هي ذعندك راقده ماحولها خلاف .. مابلا بنبدي شوي وبنسري ..

وبتدخل سريع من العجوز .. ياريعاه ويامنقوداه .. خل الصبي يحضر زواج زميله .. وبناخذ لنا عندهم فنجال قشر .. ولا حن بمبطين..

اللي ودكم .. اشبح لموقف زين للسياره .. وابعد بها من الغران لا يلعبون فيها .. عاد قصودها مابعد خلصت هي والمكينه.

ينزل هادي ويقود الشيبه والعجوز تدخل على النسوان .. ما أمدى الشيبه يصل على ذاك المركى الا وحصلت الشيبان اللي عرفوه .. ارحب .. ابقهم .. كيف انت زززززالخ.

شوي والعشاء جاهز .. تموا على عشاكم .. قال الشيبه .. قم ياهادي ايت لي بقشر .. ابشر والله بسعدك يابه.

وتراوده فكره غريبه .. الشايب بيحرق كبدي .. ولا هو بمخلينا .. نلعب .. ايش السواه .. المهم استقر به بليس على تلغيم القشر .. ولا جا منه الا انه زبط الشايب

تعشوا الرجاجيل .. والشايب كر كر في القشر .. وذا الصبه تخالف الاخرى .. قام اللعب وشدها هادي وارتكز في وسط الملعب .. مجود جنبية الحادي ولا هو بداري منين هي تطخ .. والعجوز تباطت الشايب والصبي وتسحللي صوب الشاص وانسدحي في الغماره .. قد عليها من التعب ماقال الله.

والشايب .. قام يخيف يبا اللعب .. لكن على مين تلعبها ... مابه جهد .. قال ياولد دور لملعون الحروث هذا وتدوس في بطنه .. المهم

الشوف قدهو شوي وقام .. ياهادي .. ياهادي حد حولي .. واتجه يبا الشاص .. يشم ريحة عبله .. ماله مايغير مساره شوي .. ويتجه صوب خيمه صغيره .. وادخل راسه مع الخيمه يبا ينشد من هادي .. ولين ذا المصيبه اللي مخرج راسه عليه من الخيمه (( ياوالله النشبه .... عاب عاب عاب عاب عاب .. وغير عط الخيمه ظهره .. واكبس الدعسه ( نيته انه غولي ) وكل ما طل وراه لينه يشوف مثل الغمامه .. بلبه راسها ابيض ومن الرقبه وتحت .. مابه شي .. يانعنابييييييكم .. ياهادي ياولدي .. ويلبي هادي النداء من الخلعه .. من الدبغ اللي بيجيه .. ويوم قرب من الشايب فيطيح يضحك .. يانعنابي بطن؟؟ .. ايش يضحك بك ...


ههههههههههه طل وراك يابه .. مابلا شاه مدخله راسها في كيس طحين تاكل ..

سر لك النسر .. والله ماتسلم .. هيا نسري امك صوب ماقان .. وانا فيني مثل الحمم يسعى في جلدي .. سر والله ماتسلم. ان احط خلعة الشاه في ظهرك ..

ويسريهم هادي صوب البيت .. ونخير العجوز مسقف . والشايب من زايد في زايد .. قال ياهادي .. ايش انت ونسري الشرقيه .. نزاور عمك حمد في بقيق .. ولا تدري اتصل لي على ......؟؟؟؟


ويقوم هادي من النوم .. وقد عرقانه قطع من ذل الشايب.. ( يعني كان هذا كله حلم) من احلام هادي.


السكرتي

[البتره]

وزلي و ذره في لبن ، شيء عجيب ( الله يذكرك بالشهادة يا سكرتي ) ما زد خليهنت إلا الحماط يا رجال :D

و بعدين متى الترقية إنشاء الله الى سكرتي أول ؟؟؟

مشاركة ، قصدي حلم جميل جدا و تواصيف رائعة من أناملكم الكريمة و خاصة أنني متابع لما تكتبونه في المنتدى الأم أعاده الله <<<<< إيش رايكم يا شباب في اللغة العربية الفصحى ، يعني إني عكروشان :D

يا ريت تنزل كل ( أووف ) عندك ، موضوع جميل مثل هذا الموضوع الأملاحي الشاصي القديم :p

سعيدان بيجيك بعد شوي بس راح يركب شد للبظم ( عقبال عندك بيعرس عن قريب إنشاء الله)
و دحباش راقد ذلحين بس يا قربه منك، وجرفان راح المركز يقدم بلاغ في سعيدان ( سرق الختم ) :D

[سعيدان]

السكرتي
هادي عسى ماهو بهادي بن حمد اليهو ياه فعلمه ان لا يا شيخ بيذبحه:confused:

عزالله ان ذا العجوز تهول يا ولد حقت فزعات
ضحت علشان ينبسط شين الوجه

والشيبه لما امترخ بالوزلي هو يرقد له في كيس مليان ريحان:p

ما قصرهنت يا السكرتي وانشاءالله ان قلمك يبشر بالخير في عالم المصفيه بس لو تحاول تطول في السوالف يكون افضل

هلا بالبتره
اقول ايش رايك في الشد اللي ركبته هو زين:rolleyes:

الله الله

[جرفان]

^
^
^
^
^
^
مركب شد على التيما 88 الله لا يعوق لنا برث :D

حيا الله السكرتي
شف
الموضوع و ربي روعه .. و الاسلوب قسم بالله ابداع
بس فيه ملاحظه
النهايه لك عليها .. يعني ودي انك لعبهنت شوي فيها .. ملحهنت والا شي .. و انت ادرى مني بذا الاشيا .. كاتب كبير زيك يعرفها زين اكثر مني

على العموم .. موضوع اكه :D

باااااااي

[قيض الشــــتاء]

والله يا السكرتي انك رجعهنتنا لسواليف الشيبان زمااااااان يومهم سكرتيه في ارامكو ( رانقو ) بس سرد قمه وربط ابداع ووصف الشيبه والعجوز لا يعلى عليه ( اما الشاه الغولي فلحالها )



ننتظر منك المزيد من الابداع

[السكرتي]

مشكورين ياشباب .. ويش انتوا وطلعه في راس رعوم .. ثم نجعلها سحلوقه والشلي اللي يصل الاول.

بما رأيته من تنسيم في ديوانيتكم .. قررت اني أمشي على الجنوط :D :D :D


تحياتي للجميع وانتظروا عمل مشترك مع احد الاعضاء .. بس عنده اجازة وضع .. كخخخخخخخخخخ .. مرته نفاس .. ويحاضيها.


تحياتي لجميع المنسمين


السكرتي