يوم غرست الهايلكس

[ابو نديم]

يارجاجيل وأنا راجع من المدرسة يوم السبت ايام الثنوي صوب البيت وأنا ما أفطرت ذاك اليوم ومن ليلي كنه من ذلحين سامر على المباراة بين الهلال والنصر واجيكم طاير في السماء عاقرني الجوع والنوم .....وأتلا علمي بنفسي يوم دخلت اللفة ولمبير على120 واسمع والله صوت الكفرات... ولا زاد نهجت الا في المستشفى ولين والله ذا الشايب والصبي الكبير اللي السيارة له ولينه يبحرني ولين الحمدلله ما به إصابات وأنا بخير بس الثوب والهايلكس راحو فيها....
وأغيب ذاك لسبوع كله ...مأقوم الا بمقوم ولاني آكل مغير يلقموني ويقربون مني كل شئ والربع جاوا يسلمون ,وبعضهم ماهو بداري إيش إسمي وبعضهم أول مرة يشوفني ولين كني ذابح حدا عيالهم طاحوا فيني تحقيق,,,
حد يقول إني ألعب في المسجل ولآخر يقول أفحط وحد يقول الغشامة...
إما الشايب فعيى يسمع وقال إني أجاكر واحد من العيال وأمهط له بذيك لديان غير مابه فايدة ,,,المهم داومت السبت لآخر ولين العيال هل الصف يعزمون وآخر مابه غدا الخميس ...ويوم جاء ذاك اليوم ولين مابه سيارة...ويله ا ليوم بسيارة ..يله اليوم بسيارة أخيراً جات الهايلكس ..وتوكلت للغداء وطبعاً لحالي الضيف لازم أكون لحالي .. ويوم ميلت على الرمل ولينها تغاريس واقشللها شوي شوي لين جيت التغريسة اللي هي ولين السيارة للجنوط في البطحاء وليني في مقطعة...وأدق بحوالي ساعتين أحفر وأدفن ..ولين ذولا الفزاعة المضيفين تباطوني وطلعوا السيارة وحي ذا الشوف...ولا جيت المكان الا وغباري وحالتي ترحم الضيف لسحق ونتغدى وأكثر بالخير وأمعط الهايلكس بواحد لي الزفلت.................. وتيا بإختصار سالفتي مع الهايلكس,,,,,,,,,,,,
لو يوم عنك يسج القلب متناسي =عهد علي لقتله وأسقيك من دمه.
(نجــــــــــــران)

[العذبي]

اولا كم موديل السياره
ثانياً لا تخرج الى خارج نجران وفي البر لوحدك حتي لو انك الضيف
ثالثاً اذا رجعت من الرحله بالذات في الليل حط النجم الذي في السماء يسار عينك في الجبهه واتبعه الى ان يوصلك الى طريق نجران الرياض لا تروح شرق ولا غرب ( هذى نصيحه فقط للجميع خارج الموضوع )
والله يعطيك العافيه راح الثوب في الاوله وراح الثوب والغتره في الثانيه
اقرب مغسله ورجعت الامور كما كنت
العذبي

[سعيدان]

بالله من اللي فاز
النصر والا الهلال؟:confused:

[جرفان]

و لا شر يا ابو نديم :)

ودي انك تزيد تملح في السالفه علشان تطول الموضوع شوي :)
بس كذا طيب يا ابن ابي

اني ذلحين في مبزرة الثانوي .. غران قاحشين .. والله انشبهم بالعزايم و طلعات البر :D

المهم .. حياك الله .. و البيت بيتك .. بس لا حد يجي الغرفه اليمانيه .. فيها التجوري حقي .. و انشد الشباب هنا ايش قد سويت في واحدن منهم علشانه بس دق علي الباب و انا فيها :D

فمان الله