منتهى اليأس وقمة الامل

[علي مصلوم]

الم حسرة وجع دمعة بقلبي مع طويل اليأس=لك الله يااليالي الي طوتني في غياهبها
تموت الفرحة في عيني وقدامي الامل ينداس=وتذبل زهرة سنيني وانا واقف واراقبها
وعين(ن)ما ضواها النوم رمش عيونها حراس=تقول انها خصيمة للكرى دايم مجنبها
يروح الليل وانا والنجوم المرقبة جلاس=تقول انها حبيبة لي تعاتبني واعاتبها
ولك الله يالجروح الي جدادوبعضها دراس=بعضها صاحبة منهو بعضها راح صاحبها
يتامى وسط قلب(ن)صار كله هم في وسواس=ضعوف(ن)من ثقال حمولها تدمى مناكبها
غلط من يأمن الدنيا ومن يأمن عيال الناس=غلط من يحسب الدنيا صفت دايم مشاربها
وانا لاعتني الدنيا سقتني الحنظلة بالكاس=سريت بليلها حافي وناشتني عقاربها
من الي يوم جاني الشين وقف به عصبت الراس=من الي للحمول الكايدة وطت غواربها
اخواني بعض ربعي بعض صدقاني وكم قرناس=وبنت(ن)لامشت تفرش لها الدنيا كواكبها
كحيلة طرف رمش عيونها من غيها نعاس=انا فدوة مشارق شمسها وافدى مغايبها
وصداقة اي صداقة بعضهم ما قال لي لاباس=ترى بعض الرجال اشلى لها تحلق شواربها
سحاب(ن)طول ليله بارقه يلمع تقول اقباس=ولارش العرب وبله ولا سيل شعايبها
سحاب(ن)ما سقى قاع(ن)عروق اشجارها يباس=عساه الريح ترميبه لقاع(ن)ما يحب بها
يا قلبي شد حيلك واعتنز خابرك طيب ساس=ولاتعتب على روحي وتتعبني وتتعبها
صحيح اني حسير ارجيل لكني صحيح احساس=ولي نفس(ن)مع مر الزمن بديت احاسبها
با ربي راحت الدنيا هموم وملعنه واتعاس=عسى المقبل من ايامي تجنبني مصايبها
ياربي جيت لك كلي ندم وذنوب ما تنقاس=بساحة مغفرتك الواسعة ترزح ركايبها
ياربي دام ذا الدنيا فوايدها علي با فلاس=طلبتك تحسن المختم وتحمد لي عواقبها

[هـادى الـدغـيـس]

أخي / علي مصلوم ... قصيده رائعه جدا جدا وقد اعجبتني كثيرا ... ولي عوده معك بمشيئة الله .... اخوك / هادي

[الكارزمي]

بسم الله الرحمن الرحيم

لو كانت الروعه قصيده لقلت كتبها علي مصلوم

قصيد جميله ياعلي ولكن غلفها اليأس !

محاسبة النفس شيء مطلوب ولكن الاجمل نسيان الماضي

والنظر بكل تفاءل اللي غد مشرق.

من بلاه الله تصبر واحتسب * عادة المسلم على الشده صبور

نتمنى لك التوفيق

اخوك الكارزمي

[أحمد آل حارث]

صح لسانك ياعلي وتسلم يمينك ابداع

وقصيده اكثر من رائعه

لك اسلوب رائع في صياغة القصيده

الله لايهينك واتمنى لك التوفيق ولك

مني خالص التحايا ,,,,,,,,

[طيب اسم]

علي عز الله انها قصيده تهول ... صح لسانك
وبعدين ياعلي قال الله تعالى ((ولا تقنطوا من رحمة الله))

اذا قلت ان هذي القصيده ابداع فوالله اني احس اني مقصر .....لانها احساس حقيقي معاناه واقعيه الله يعطيك العافيه

وبيض الله وجهك على القصيده

[جويخـان]

صح لسانك ولسان الظروف اللي تسقل مواهب الرجاجيل وتنفظ غبار سنين الرخا من فوق عاتق معادنها.


أبو حمد بكل صراحه قصيده رائعه جداً ولكن /

1 -
اخواني بعض ربعي بعض صدقاني وكم قرناس
وبنت(ن)لامشت تفرش لهـا الدنيـا كواكبهـا
ما لها داعي

2 -
وصداقة اي صداقة بعضهم ما قال لي لابـاس
هل هي عل نفس لحن القصيده

3 - هل تعمتد سلب دموع كل من يحبك منا بهذا الشطر اللذي أقسم لك أنه إنتزع الدمع من عيني إنتزاعاًوعاد بي لليلة حادثك المروع


صحيح اني حسير ارجيل لكني صحيح احساس


لك مني أخوك جويخان كل الحب والتقدير وصادق الأمنيات بالشفاء العاجل إنشاء الله الطب في تقدم والرجاء بالله كبير ومثلك ما يعلم.

[محمد بن مدران اليامي]

على مصلوووووووم ... على الابداع ....على

الحب ...على الروعه ...ماذا أقول ..,,,لك

قسما بالله انها زلزلتنى القصيده هذى ......

وذات أبعاد واقعية ...أقولك صح لسانك ياعلى

والله يشفيك بحق النبى وأله ...اخوك محمد

[الحسام]

الاخ علي
صح لسانك بس اليأس هذا كله حرام عليك والله اني انغثيت على اول ذا اليوم .
عسى الله يعطيك الامل ويبعد عنك وعن كل غالي الياس والقنوط .

*************************
منتدى الوادي في قلوبنا الى الابد
www.najran1.com
*************************

[الشرق]

الاخ العزيز علي
السلام عليك ورحمة الله وبركاته

اولا الله يعطيك العافيه

والله ان القصيدة هزت مشاعري وحبست الدمعه في عيني وذكرتني اني من المقصرين في حقك كثير ولكن كل هذا يرجع لظروف العمل والحياة ولو ان مالي عذر في هذا . ولكني اخبرك قوي وللشدايد ترتكي.

وتذكر يا اخي العزيز: لايأس مع الحياة والله يكون في عونك

ولك تحيات اخوك الشرق

[علي مصلوم]

الاخوان كلا بأسمة اشكر لكم ردودكم وتفاعلكم ولكن للاسف ان اغلبكم فهم القصيدة بنظرة متشائمة وهي عكس ذلك فأنافي اتم الصحة والعافية وامارس الحياةبشكل طبيعي ولو عرفت انكم بتفهمون غير كذا ما نزلت القصيدة.ما اعاني منه حاجة بسيطة وطبيعية .



حبيبي جويخان لم افهم الى الان لماذا كتبت ان البيت ذاك ماله داعي ارجوا التوضيح.اما بالنسبه للبيت الذي قلت انه ليس على لحن القصيدة فانل اخالفك الرأي وشعار المنتدى هم الحكم لاني لااعتقد اني سأخطي في الوزن بعد كل هذة السنين لان الوزن من البديهيات ارجوا ان تقرأ البيت وتتأكد.انا لااريد ان اسلب الدمعه من عين احد ولا اعتقد اني كذلك ولست بحاجة الى ذلك فلم يحصل ما يوجب ذلك. كل مافي الامر قصيدة عبرت فيها عن عدم الوفاء ولم اظلم احد وما املك من اصدقاءالان هم ربحي وراس مالي ولله لايخليني منهم اما من فسل معي فذلك شأنه ولا اعتقد اني في حاجته اوهو في حاجتي.



عموما الجميع لكم كل الحب والاحترام والحب
ولاتنسى جويخان ارجوا التوضيح

[الفيصل]

بســـــــم الله الرحمن الرحيــــــــــم



السلام عليكم ورحمه الله وبركاته .......................


الاخ العزيز الغالي علي بن مصلوم صح لسانك وعلى الاخرى عانه والله انها قصيده تهول هوال ولاكن (( ولا تقنطوا من رحمة الله )) وكل الي نتمناه من القلب والله العالم بما تخفي الصدور ان الله يردك لنا بعافيه وبأصح الاجسام يا الله ياعلي ياقدير يا مجيب الدعاء ولاكن نرجوا منك ان تبعد عنك سالفه اليئس وليكن امامك الامل والامل في الله كبير اخي العزيز وبالتوفيق والله يحفظك ويوفقك ....


اخوكــــــــم / الفيصــــــــــل

[الأطلال]

[/poet]
مع كل اشواقى تمنيت لو كتبت بضلوعى حتى تذوب وبدمى حتى ينتهى .........
اخوك (((((((((سنا البراق))))))))))
ترزم يارعوم وحن واطلق للعنان احساس
أمل ياخذ بنات الريح للفرحه ابغايبها
يداعبها ((علي)) باللي عطاه الله بدون اقياس
خيال ماوصل غيره حروف يذوب كاتبها
أسرني ماقويت افرق العبره من الانفاس
سريت ابحلم واسقتني الحقيقه كاس شاربها
طويت الليل والبيدا تزيد الهم والهوجاس
دروب كثير تذهلني وتلعبي نجايبها
طلبت الله يعدلها يدل التايه المنحاس
لجل ياصل مدي تعبير مشرقها ومغربها
قصيده رائعه اروع اسميها انا نبراس
حقيقه من خيال عذب تروي شوق شاربها
علي يا خوى لا تيأس وحنا لك عصاب الراس
معك قوم تحت امرك تجي لو طال غايبها
فدتك ارواحنا ونموت مانرضي عليك الياس
فداك اللي كتبلك ذي القصيده (جاك كاتبها)
فدتك اللي تشيل الليل بين اهدابها النعاس
عنود كل نفحات الهوي بالحيل تجذبها

[قيض الشــــتاء]

ابو حمد ....... والله ان الدمعه خرت على الكيبورد ....... ماهو بعشانك لكن عشان ظروفي اللي ما خلتني افيك حقك اللي ابغى افيك اياه ...... وخلتك تحط كل عشمك في من حولك بس وانا عن نفسي والله انك عندي ما يوازيك مخلوق ولكن !!!!!!!!
يابو حمد شي مثل ما جار الزمن عليك جار علينا يمكن مهوبمثلك نعم لكن والله انه جار جدا ........

القصيده لا تحتاج لتعليق ..... ولا لمن يمدحها او يمدح شاعرها فهي ابلغ من كل قول .....

قد لا تساعدنا الظروف يا بو حمد ولكن والله انحن معك حتى وليحن موجعينك فما باليد حيله

....

[علي مصلوم]

الاخوان محمد الفيصل الاطلال وحبيبي قيض الشتاء


شرفني مروركم واسعدتني كلماتكم


انا بكم قوي ومن اجلكم استمر لكم كل الحب



الاخ جويخان لازلت في انتظار ردك

[قيض الشــــتاء]

ابو حمد الله يطول لي في عمرك ما خبرتك الا مثل ما نت الحين ...قرم رجال ...... واللي يعرفك زين يعرف من علي مصلوم ووش علي مصلوم حتى في احلك الظروف يبقى ابو حمد هوهو ..... والدنيا يا بو حمد دنيه ما جت به راحت به .... الله يحسن المختم ...


................................
......................
...............
..........
.......
...
.
الم : ولك الله يالجروح اللي جداد وبعضها دراس ... وبعضها صاحبة منهو بعضها راح صاحبها
امل : ياربي جيت لي كلي ندم وذنوب ما تنقـاس ... بساحـة مغفرتك الواسعه تـرزح ركايبها
...
......
.........
..............
....................
..............................

[هادى ال حيدر]

ان في هذه القصيده من الجمال والحزن والامل والعتب والمتناقضات الجميله ماجعلني اقف احتراما لشاعرها ولكن هناك سؤال لماذا كل هذا الحزن ياعلي ؟مع ذلك فهو اجمل شي ان نجد شاعر يكتب الحزن بهذا الجمال المتناهي ويكفي الانسان ان يكون له هذا التحليق أفضل من ان يكون غير قادر على التحليق فكريآ. تقبل مني صادق الحب .
اخوك:هادي ال حيدر

[جويخـان]

تحمّـل يا جمل حملك ولو كانه بدون إقياس
ترى كل العرب مثلك تعاني من نوايبها
من اللي سالي الخاطر بذا الدنيا ولا ينحاس
يلاعب فرحة أيامه ولا يعرف مصايبها
صغير السن ذا الوقت يتجرع مرها بالكاس
وكبير السن قدهو ذاك ناشب في طلايبها
وذي حمكة جليل الملك يبخس صبر كل الناس
ويكتب عدن للصابر ولآخر... له لهايبها

[علي مصلوم]

الاخوان جميعا شكر من مل قلبي على كلماتكم وعلى احاسسيكم


لااملك الا ان اقول الله يخليكم ويطول عماركم


الاخ قيض الشتاء انت تعرفني وان لااعرفك ارجوا التواصل

[قيض الشــــتاء]

يا بو حمد ...... قد لا تعرفني ككاتب او شاعر ( ما ني بشاعر ما عليك ) لكنك تعرفني كشخص لحقه الريع منك ولهذا يكفي اني اعرف انك بخير وطيب وهذا ما يثلج صدري بنتقابل واشوفك وتشوفني يابو حمد لكن لن تعرف من قيض الشتــــاء سحى منك على الأقل الان .......

لي طلب بسيط يا بوحمد ...... قديمك الرائع اتمنى ان اراه في المنتدى تجاوبا مع دعوة الأخ قايد الشريف لنثر الإبداع في المنتدى واتمنى انك ما تكون بخيل لإني والله والله ادري ان هذي الكلمه لا وجود لها في حياة على مصلوم الا في شي ما يرضي الله ....

تحياتي لك يا غالي ;) ;) ;) :p

[حــــز يــــن]

الاخ الغالي ابو حمد ....

اولا .... ان شالله انك اقوى من كل الظروف ياغالي

ثانياااا ... صح والله لسانك على هذا الابدااااع ..والابداع ما يجيك الا من معاناه

’’’’’’’’’’’’’’ تسلم والله على هذا الووصف .................

المبدع مثلك يبقى مبدع بكل الظرووووووووووووووووووف ياعلي ..

وهذا انت كما عهدنااك في شموخ جبال نجران وعزتها وقوتها


الاخ الغالي اتمنى لك التوفيق والشفاء العاجل بحق الله واهل بيته الكرام


وتقبل تحياتي ومحبتي

[سايق الخير]

الاتستحق هذه القصيدة ان ترفع.؟؟

[سالم بن جلعان]

ابو حمد

عسى الليالي ما تبطي بك يا ذيب


طالت غيبتك بالتشيك ويعلم الله انك على البال دايم



وانك صدق الحاضر الغايب



الله يردك بالسلامه وكل عام وانت بخير



عسى الايام ما تبطي بغالي وعسى من غاب اشواقه تجيبه





تحياتي



اخوك / سالم

[الطارش]

الاخ / الصغير ((( على بن حمد ال مصلوم )))

الكبير في عيني لكبر هامتك وعلو شموخك

ابو / حمد

القصيده فيها من الجمال الوافر والنادر

يصعب على غير ابو حمد ايجيبها(رأي خاص)

والله انك تواسي ما تواسا يا بو حمد وانك

بهذه المشاعر الفياضه المتوهجه حركت

مشاعر واحاسيس عند البعض نائمه ليس اتجاهك

فقط بل باتجاه كلن حسب وضعه وعلاقاته

على/// اشبه هذه القصيده بمحاضره لدكتور

في ارقى الجامعات متمكن ترسخ كلماته

مباشره من القلب الى القلب.استاذ يا علي

وربي

والله انك قرم لا تقول جبر خاطر لا و الله قرم

يا على . ابو حمد في حفلت شباب الجامعه

في الاحساء عام 1407هـ. قلت

ليتهم بشروني كان اسوق البشاره(( تذكر))

اسئل الله بحق محمد واله وبحق الشهر العظيم

وبحق من لهم الحق ان يعطيك العافيه أمين.

اخوك الكبير<<<< الطارش >>>>

[هادي آل سليمان]

اخي علي

حفظه الله من كل شر ومكروه
صح لسانك يا بو حمد

واشكرك من كل قلبي على هذه القصيده


ولك مني تحيه معطره بالحب والوفا ارسلها من قلبي الى قلبك
اخوك المحب لك/ هادي آل سليمان

[الشقاوي]

الاخ علي مصلوم

تبقى اخي من اقوى الشعراء وهذا شي لا يختلف عليه اثنان

ولكن هذه القصيده في نظري اتت مختلفه عن كل ما كتبت

فانا اعتبرها فريده وفعلا تستاهل انها ترفع ليراها من لا يعرف علي مصلوم

صح والله لسانك وسلم احساسك

واشكر من كل اعماق قلبي الشخص الذي اعادها هنا

اخوك الشقاوي

[المسافر]

طولة غيبتك وسالنا عنك واشتقنا اليك
ولكن غيابك كالمطر يغيب ولكنه يعود لينعشنا ويحيينا ويقول لجفاف المشاعر وذبول الاحاسيس وعطش القلوب مازلت موجود مازلت هنا ومازال الشاعر الكبير والكبير جدا على بن حمد ال مصلوم موجود .

انا اختلف تماما مع من قال ان المبدع على ال مصلوم كتب قصيدته هذى بنظره متشائمه بل بالعكس بنظرة امل وحب وابتهاج لله عز وجل .


اليائس هو ما انا فيه الان وانا اكتب هذه الكلمات لان والله العظيم لم اجد ما اقوله لكى افى هذا المبدع حقه ارى كل الكلمات كل الاحرف وكانها فى لحظة تامل لما خطته انامل شاعرنا الرائع.


قصيدة بمثابة صوت صوت عاااااااااااالى جدا صوت حمل كل تفائل وكل الم وكل حزن وكل سعادة بنبرة واحده ليقول لا يازمن لا ياحظ انا على مصلوم وسوف ابقى على مصلوم مثل ماعرفنى كل الناس بشموخى وكل حبى للحياة .


قبل ان انهى كلامى اقول لك يابو حمد لك كل احترام وكل تقدير وكل اعجاب واتمنى من شخصك الكريم ان لاتحرمنا ابداعك ولا احساسك الجميل جدا .


اخوك المسااااااافر