دبكه مع النور..... في بطن العالفه ((( مشاركه ))))

[قيض الشــــتاء]

مشاركه من نوع خاص......... مدري هي تشتا ولا لا ........ بس وربي عليكم الدلخ ما هو يستاهل اللي بيجي وجهه



ساري البارح وانا والله مالي نيه.......................فاضيٍ جيبي ... ودس الشيبه السياره

مالي (ن) بطني برباجه مع قليه .................... وصجني الشيبه مشغل صافرة انذاره

اتقهس وسط غدر اساير الردميه .................... قلت بامشي لي شوي افر وسط الحاره

سرت سرت ويوم قلت اني بعدت شويه ............. فاخرج التمباك واقدحها وامز زقاره

مزيتها مزة ظمان منقطع ظهريه .................... ما لقا جغمه .... وحصل فجأه المطّاره

وانفخ الدخان نفخة حازق الجنبيه ................. فوق بطن منتفخ شبعان طار زراره

ورحت اهوجس وين بقظي العطله الصيفيه........... وفر بي راسي وفر وفُرت من فرفاره

وادخلتني في شوي احلامي الورديه ............. وسط جو ..... الا ولني راكب الطياره

ويوم وقع في المطار الكابتن بحنيه ............ ولين قدني في ربوع الشام اشم ازهاره

واركب التكسي مع ذاك الشنب يا بييه .......... .... قال لي اهلين خيو شو سببها زياره

قلت انا سايح سعودي حصل الشرقيه .......... جوها كنك بفرن بفرن تشب حولك ناره

واركب بيومي واسافر واصل الغربيه ................. ولين جده ناس غير وخاطري زقراره

فجيتكم (طازه) غشيم ولابس (ن) طاقيه ............. فوق بدله سهيها الهندي في الغماره

جيت ادور للوناسه وانبسط يا خييه ................ وقال ( لا يا شيخ ) اسكن شارع التجاره

النوَر قال انهم مثل الدبا في الفيه .................. والشراب فباب ثومه يا صلك سمساره

والعصر في قاسيون الله من عصريه ............... والسهر في مرقص القمه تشع انواره

وتنبسط في وسط زرع الغوطه السحريه ............... واطلع بلودان واستمتع بهل امطاره

وما خزيت الا وانا زالق على يديه ................. اثر رجلي وانا اهوجس غاصت ف بياره

وافزعتني صيحة(ن) يوم خدرت باذنيه ........... ولينك بدحباش مطلق فوق ظهر ****ه

ويصيح به جرفان قد به خرية(ن) او هيّه ............. ويوم بان العلم واثره نادع السحاره

قالوا ان فيها خروص وخُتّم فضيه .................... لأم جرفان(ن) خذتها من حماته عاره

قلت يا قيض الشتاء لازم تعقد النيه .................. لازم تسافر تخلي ذا الخبل ودياره

شف تلاله لي معه سيولةٍ نقديه ................... لا يفوتك.. شيه دلخ... بيعلمك باسراره

قلت يا سعيدان عندي سفرةٍ سريه ............ صاح تكفى .. قلت يا قيض اغمز السناره

قلت ما به قرش كون اظن عندي ميّه ............. دق صدره قال عندي الخير وجاب صراره

قال خذ هذي فلوسي ولا تقول شويه ............ وليني باللي فجعني ..يوم شفت غباره

فافتح الصره ولين النكبه المخفيه .............. تسعه وخمسين ... لا .. ومشذرمتها الفاره

فاسدحه في وسط جربة قوطةٍ مسقيه .............. واتربص لين عاف العافيه باسحاره

وافتح البوعه عليه .. وسفرة الصيفيه ................ بتأجل للشتاء يمكن تطيب اخـباره

[سعيدان]

انت يا الاخو النمره غلط هذي الديوانيه,, منتدى الشعر اول غرفه على يمينك في الدور الثالث:D :D :D ههههههههههههههههههههههههه

الاخ قلب شاعر من ورانا يا شباب
دحباش اعترف هو ذاق الشاهي؟؟؟؟:confused: :confused:

والا انت يا البتره اورب ما اشافك مع حزة مغرب ثم اتفق له:p

والا انت يا عاشق الموت اوربك لتا اللي معلمه؟؟

على العموم انا اليوم امتطيت صهوة جواد شعري ثم نعته
قال ابشر بسعدك
قلت انا ماني بشاعر وودي ارد على قيض الشتا
قال ابشر بسعدك اما هو من جا جابه
عزالله واتهيض بذا الكلمات

يا قيض يا اللي هيضتني بابيات سامجيه.................... انت من هاضها ولا فيها استشاره
انت حدك جده والا خط ابو حدريه .......................... وكشتتك تطلعها في ظلال العماره
مالك ومال الشام ,,حدك ما تبعد خطاويه........................... خله للي يعشقه ويعرف اسراره
ماحلا الدبكه وكفك بكف نوريه .................. وابو النور جنبك يولع لك زقاره
وابو هادي يشر لك بنظره سحاويه............ وابو صالح يرش الليرات بكل مهاره
ما بين سعاد .. وصباح .. وفوزيه .............. زال همك مابين طبل ومزماره
والا انت خلك تلاعب غرانكم في الحويه ........... والليل شقرديتك من علو المطار سماره
نهارك < قيض > وشمس وعجاج مبريه ................ والليل تضوي وجيوبك مليانه زباره
والا الشام .. براد ومطر وهبايب شماليه ................... وليلك بين النور مرتكز غباره
اقول شعري .. وتحكمني العاطفيه .......................... لاني بشاعر .. بس جاي زياره
والعذر منكم لي حصل زلة عفويه .................... واعتذر للشعر .. ولكل شعاره

[البتره]

لا حول و لا قوة إلا بالله العلي العظيم


( ربنا إنا لانسألك رد القضاء و لكن نسألك اللطف فيه )

كله منك يا دحباش ناشب في حلوق المساكين إنهم لازم يكتبون كلمة ( موضوع مشارك ) :mad:

و ذلحين مالهم الثنين إلا شهار سقاه السيل

يالله باللي فيه خير و الله يعين الخبلان اللي في شهار

بيملاهم سعيدان بالتلال و قيض الشتاء بيمغثهم بالسماجه ثم بيخرجون الخبلان و يخلون شهار لهم و للسكن معهم :D



يالربع والله إبداع مابعده إبداع ، صحت يمناكم و الله لايهينكم أقولها من قلب صادق و الله يجعلكم على القوة



أنتظر ردك يا أبو الدحابيش و على فكرة وين جرفان عسى ماخلاف أربه ما بعد عود بالمور من ذيك الحزه ؟؟؟؟؟ :D :D :D

[قيض الشــــتاء]

شف يا تلاله يا الذيب اللي يبا يسافر لسوريا بتسعه وخمسين ريال ...... اللي مثلك لا عاد يبين وجهه لين يختفي ذا الموضوع من الديوانيه .......... وحرام عليك ياللي جاك من الردغ انه شوي في حقك يالمسقّل....

نعنابي سواك تسعه وخمسين يالله بها تاخذ منثشفه تمش تلالك والمصيبه انها من عهد الملك فيصل ..... يعنه الريال الواحد كان سنح البتره

اما البتره ذا فعاده لحاله ......ياخوي ما عاد ذي بردود قد ردك لحاله موضوع ..... الا حد قمن ندعان ولا ثلاجة الشاهي حقته

[سعيدان]

اسمعوا يا الربع ,,, انا ابغاكم تحكمون بيني وبينه

59 ريال هي شوي؟؟؟؟؟؟؟
خاصة انها كانت في زمن الريال يسوى ميه
كانت الشقه في الشام بخمسين ليره في اليوم > قبل ما يندلونها ذا الشباب الصغار
وانا ما قصرت جبت كل اللي عندي منين لي اخلق؟ ولا اسرق؟




اسمع يا قيض انشهد ان موضوعك يهول بس الرجال راعي الثلاجه قد جاله عرضه
وانا اللي داري ايش قومه
اسمع يا دحباش خلاص انا مسامحك في اللي انت خابر ماعاد اباه اني داري انك ما جفلهنت الا منه :p :p

وعلى العموم انا تهورت وقررت اني اقلب الليله دحباش وجرفان معا
وقررت اعطيك الختم اللي انت خابر
http://sayyer.8m.com/khatem.gif

واذا طردوني فافزع لي تراني مابلا سارقه من جيب جرفان هنا ليل
ونسخت عليه

الله الله

[عكروشــان]

اثر هنا مواهب مدفونه قالها قايد الشريف

والله ماعادكم بحولنا بس عطنى طلب صغيرووووووووون اللي نزلت عليكم حد

من فوق فلأ اوصيكم ( شغل )

ولأ وصيكم في شيبتكم ( دحباش ) تراه يتيم وتخنقه القراين صدق انه شين بس

ياشباب قلبه ابيض مثل اما شغب اللبن


وقال ان القطه كلها ( سعيدان ) علمك ياسعيدان على القطه وش جاك !!!!!!!!!

:mad: :mad:

وقلب الأسد قالوا فخيتوا فيه واتفق له بس واحد قال الصدق قال انه شاف

البتره للمغرب الله يعينه صدمه قويه من جد

:mad:

هااااااااااافدعه


قيض في الشتاء تعال ابغاك في برزه في ظلأل الدرب

ز
ز
ز
ز
ز
ز
ز
ز
ز
ز
ز
ز


نعبوا ليمك ماتبغى خوي ;) ;)

[جرفان]

يا شين البدو :D

قسم بالله يا قيض الشتا لو عاد تقول شعر ان اخلي اذاني و اذانيك اربع ... و انت يا سعيدان ابغاك بس تعيد الحركه اللي ما لام ابو خالها داعي و تشوف ايش انا باسوي :D
<<===== تراني امزح والله :)

صح لسانك ... رهيبه القصيده يا مناحي .. بس انتظرني احضر لي رد ماهوب صاحي :D
-
-
-
-
-
-
-
-
-
-
-
حد شاف لي بوك ضايع هنا؟ :D

[قيض الشــــتاء]

الاخوه الاعزاء شيني عجل ذا الساع وبرد عليكم واحد واحد لم لهيت بس بغيت انشد جرفان ندعان اين هو ارب ما هو بمسجون شيني والله قد خاصمته من السرق بس وش تقول ........ من شان وجهه شان طبعه

[قيض الشــــتاء]

ولا زال البحث عن شين الوجه ابو الثلاجه مستمرا
!!!!!

[السكرتي]

قيض الشتاء ..

حركت المشاعير .. ورفعت المضاغيط .. والجيب عطل.

حرام عليك ياخي .. لازم نفك هايلكس .. مابعد خلصت الاوله حقت سفرة الباحه.



:) :( :D :p ;) :rolleyes:

[قيض الشــــتاء]

الله الله الله ........... والله منت بسهل يا تلاله معك ختم ....... وانا اقول ان ذيا خبش اثرني والله الخبش .... المهم القطه الله يسامحك فيها لكن عندنا المصري نبا له ختم خروج وعوده وانت بصرك طال عمرك ( يعني انك مسئول)

عكروشان شكرا لمرورك هنا ....... جديده ذي على الديوانيه ....
الا على طاري المرور والشرطه هم فصلوها من بعض ... هنا واحد مبزوط يتدعى ليل نهار انهم ما يردونه للمرور قال انهم يغصبونه يجيب مخالفات ولا ما يسلم من دوريته !!!!!!!

بالنسبه للأشخاص اللي ذكرهنت فشي ما هو يسد بهم ذيل زنبيل الا يا ربي ليهو البتره يعجبك للغيبه حزة السكن ما بلا يخرج ويشوفونه السكن وفقحوا لها من الخلعه..... وبالنسبه للمواهب والرجاجيل اللي من فوق فخلها على الله كل ما حكينا موهبه قطعنا اسلاكها وانت لبيب !!!!!!!

جرفان ..... بتخلي اذانيي واذانيك اربع ؟؟؟؟؟؟ ليه مانت بادمي ولا كم معك ولا انت مع الشين كله عادك اصمع !!!!!! والله مشكله !!!!! فرصك في الزواج اصبحت ضئيله جدا وان حصل ففرص استمراره معدومه يالبده ...... البوك حقك مع تلاله وقد سرق الختم وختم لامه وابيه خروج وعوده من الدرب يحسب انه شرعه وبتلقاه دالع لسانه ويطخ اختام عليه ..... خلصت الاسطمبه !!!!

السكرتي ..... يا خي انت رايق ودايم على الخط الا ان سفرة الباحه ذي مالها حاضي وانت عندك الشام ..... وبعدين وش تفك هايلكسات ولا يا شيخ .. من لا يا شيخ ؟؟؟ مر على ذا الاسم !!!! بس منهووووووو !!!! المهم انه فاكها صوالين وعاشق الموت !!!!!! فاكهم بنات على الزيرو حتى عقولهم على الزيرو ........ الا هو قد طلق الخبل ورجع من جده ولا عاده؟؟؟؟؟؟









دحباش .... اين انت يا بو النسوان ولا عجبتك العباه والبناح بينهم !!!!!!!!!!!

[لا يا شيخ]

لي رجعة مطولة مع موضوعك يا شين الوجه

[دحباش]

لما خلصتوا ردودكم علموووني :)

[قيض الشــــتاء]

لا يا شيخ .... حمدالله ع السلامه ويهنيك الخلاص !!!!!!!! ما عاد ذي باختبارات بس الظاهر انك سلييييخ .... في رواك

الشين دحباش ... خلك على النابي والمارية الغفله

[KLM]

مساء الخير يا اساتذة القصص والروايات الرومانسية والبوليسية

اولا احب ان اعتذر على عدم مجئ للمنتدى منذ فترة وقد كان هناك اسباب
1- قبل 8 ايام بالضبط حاولت ان ادخل المنتدى وباءت محاولتي بالفشل .
2- فوز المنتخب الالماني العريق واحتفالي بهذه المناسبة
3-لم تكن السيولة متوفرة لاسباب اقتصادية لاني اراسلكم من كافي نت والمكافئة تأخرت

.................................................. ...................
اعود لمشاركة العملاق قيض الشتاء واهمسك في اذنك

قدلي من نصري شمس الدين هو وفيروز في (زجل) هيك مشق الزعرورة
وزجل هي اسم الفلكلور الشعبي اللبناني المعروف

[قيض الشــــتاء]

ياخي اشتر شريطهم بخمس طعش ولا تشتحن شي الشحنه شينه

وبعدين لا عاد تمدحني جدا .. عملاق (كبيره شوي )!!!!!!!! شيني انتفخ تيشه ولم تتيشت تجيني حاله :p معنويه واقعد ادرم فناجيل الصيني المبخره ..... وبعض العرب قد بيموت من الحوب وهو عندي حنج ما ودي احسه!!! هما يا دحباش

[يـاميّـــــــه]

:p :D :p :D ..

[قيض الشــــتاء]

اللهم لك الحمد والشكر :D :D :D :D