تجربتي في تخفيف حرارة الحمى

[كونتا كونتي]

مرة من المرات تسخنت ووصلت حرارتي فوق 38. وماكان ودي أروح المستشفى.
قام جدي وجاب ورقة شجرة مثل ورقة العنب بس إنها أكبر وثمرها مدور وكنه شوك بس ماهو شوك.
وحطها في زيت زيتون ثم حطها على رأسي.
ولكم الله ساعه إلا ونا متعافي.

[حلم *و* أمل]

الله يعطيك العافية كونتا كونتي


أتمنى لو نتعرف على اسم هذه الأوراق
لنستعرض فوائدها
قد يكون لها فوائد أخرى عظيمة


كانت جدتي رحمها الله تعالج الحمى
بعجن الفلفل الأسود المطحون بالماء
ويوضع على الجبين ( كلطخه )
نتائجها مبهره بإذن الله


دمت ودام الجميع بصحة وعافية

[عيون الريم]

أهلين فيك ....


مشاركتك حلووة .....ومفيدة


بس كلها الغاز :biggrin:


يعطيك الف عافية ......وفي انتظار شرح مفصل

عن ذي الورقة ....والثمرة ..........ودمت

[ليس ابن القلوح]

يعطيك العافيه كونتا على المعلومه وحسب اعتقادي انك تقصد ذاك الشجر اللي يجي في الوادي اللي ماتزبط اشغب الخذافات الا منها هههههههههه

[كونتا كونتي]

مشكورين شباب على التوضيح.. وعلشان تكون المعلومة من مصادر موثوقه.

فاأبشركم خالتي " أوبرا " سوف تقوم بزيارتنا هذا الأسبوع وآخذ منها الخبر الأكيد.

وسعوا بالكم علي شوي.

[$$ المـــاسه $$]

تسـلم على مشـاركتك خـيوو كونتا كونتي

وبانتظـار زيارة خالتك " أوبرا ".. :biglaugh:

وأفـادتنا بتفـاصيل الورقه..

دمتم بخـــير..

[كونتا كونتي]

أشكر الأخوان والأخوات على مرورهم وتعليقاتهم وطول بالهم وإنتظارهم للخبر الأكيد.

وأنتي يا " ماسه" تراني أعزش ,وأودش لكني ماأحب كلمة " خيووو" ولاني من هلها.....رجاءً..... :mad:

نرجع للموضوع , تقول خالتي "أول شي لازمتك بحق يوم إنك علمنهتهم بإسمي. وأنت تعرف أيش حن عليه.

ثاني شي خويك الخبش ذا اللي يقول إنها في الوادي ويسوي منها شغب للخذاف ماعنده سالفه.

أما البنات ذولا اللي الوحده ماعندها إلا طخ..طيخ على الكمبيوتر ذا ولاهي مع أمها ولا عماتها تعلم منهم...كبك منهم .


هذي ياولدي إسمها" زيته" على وزن " عيشه" ويسوون منها لبخه على الرجيل اللي فيها ضارب ولا روماتيزم."

إنتهى كلام الخاله.

أرجو من الأخوان والخوات المعذره فما أنا إلاناقل , ,وإذا أحد جا في خاطره شي فيبشر بالشبب.