راعي الاوله
25-05-2002, 05:27 PM
من بعد الغداء تبداء المعاناه.... رح جب العيال من المدرسه جابهم ورجع رح جب زاد القراش ....ولا يوتي الواحد يرجع وجات حزه المغرب يالله رح جب اغراض ولا يرجع الا والعشاء جاهز تعشى وطلع من البيت وين يستمر مع الشباب......اي شباب الله يستر عليك
الشعب ما عاد فيه حد كلهم مسافرين في اشغالهم وانت هالك متعطل لا وظيفه ولا شي ......
بعدها ما درى وين يروح قام الهالك يفر من اول الحزام لاخره ما معه حد والهواجس تلعب في فكره يمين ويسار يفكر في حال الدنيا وش جرا لها ....
.
.
.
في ذا الحكى ودراجه والرجال يفكر الا وهو يشوف واحد يعرفه وجه:(
يسير على ارجيله قال ياولد ركبه معك وسولف انت والرجال وادخل فيه .....انحد الهالك ما درى ويش يسوي ....المهم ما اوتاه يوقف الا والرجال ناصده هلا بابو حمد :confused: ....استغرب ابو حمد ....بس مشاها على انه يعرف الرجال سلام ومواجره وعلم وخبر ......
المهم قاله انت فاضي قال ايه قال خلك معك المهم ركب معه .....
وقاموا الاثنين يتحدثون ويتعرفون على بعض قال لك قال لك .....المهم سال ابو حمد الرجال اللي معه حتى ماهو بعارف اسمه ....بس انه خابره من ايام الثانويه
.
قال ياولد عادك خابر المشكله اللي صارت في المدرسه يوم جلدوني في الطابور الصباح.......ماسكين مع ابو حمد (شمه) قال خويه اللي معه ايوه وش السبب ياولد ...
قال والله ذعندك ايام الخباله يوم كنا مهستره مسكني المدير وانا ابردق الشباب
عند البراده وخلا الشباب واستلمني في الاداره خبطني الين تكسرت العصا ...وزد خبطني من بكره في الطابور .....
تنهت ابو حمد قال عز الله انها كانت ايام رهيبه كان الشباب موجودين والخصوصي والطلعات كل خميس .......طبعا ابو حمد متخرج من الثانوي 69 علمي...
بس شف تاليتها الشباب افلحوا وجابو معدلات وانا جلست هنا لا شغل ولا مشغله
كان الواحد منا شوفه جاس في البيت اربعه وعشرين ساعه.....
قال خويه افا بس افا اعقب وانا ابو صالح .....ابشر بسعدك
ما طلبهنت شي ....عرفت وش اللي في خاطرك ......تبقى وظيفه ابشر بسعدك
.
عندي لك ازن من الوظيفه انت رجال معك موتر جديد......هايلكس88 ....
وانا ما عليك الشغله باعطيك خبر بكره .......
المهم استمروا ذاك اليوم سحبتهم السوالف بحكم انهم الاثنين لاول مره يتلاقون قام كلا يفقل على الاخر .....وما جلسوا الا ويوم المذن ياذن راح ابو حمد ووصل ....ابو صالح لبيوتهم .
وبعد ما نزله قامت الدنيا تدور في راسه ....
ياولد ها وش ذا يبى ...
يبقاني ابسط في الحلقه ابيع قوطه والا بسباس والا حبحب ......
والا يبقاني اكد بس لا ياولد موتري غماره كيف المهم انه ما رقد الا بعد جيهان
وسوس ابو حمد بذي الوظيفه المحقى ......
المهم جا من بكره نفس الجدول ماتغير شي وبع العشاء مر خويه .؟...قد هو وابو صالح الشي واحد.
المهم كلا خبر لخويه وش سوى فتح الموضوع ابو حمد لابو صالح قام ابو صالح يحلفه ويتجوهه انه مايعلم حد ......واخر يا يعطي ابو حمد وجهه لابو صالح
ان سده في بير ......جوب ابو صالح قال انا باعطيك كل يومين شنطه وما ابقاك تفتحها وابقاك توصلها لرجال وأول ما تعطيه اياها يعطيك خمسه الاف ......
ابو حمد ما فكر وش اللي في الشنطه فكر في الدراهم قال اجمع لي كم قرش واطرش للشباب:mad:
المهم تواعدوا جا من بكره وصلها ابو حمد ويالله ويالله على مر الايام ابو حمد قد معه بدل الهايلكس صالون تالي موديله
وقدهوا بادي يعمر ومن ساله قال اشتغل من مكده في بيع وشرى .....الرجال طمع واعمى عينه الطمع .......
المهم جا ذاك الليل قال ابو صالح لابو حمد شغل اليوم ثقيل شوي انا باعطيك سبع شناط واربعه اكياس وابقاك توصلها للرجال بس الرجال ذي المره يبعد مسافه 900 كيلو انت بتصمل عطيتك ما صملت باعطيها غيرك والمبلغ هذي المره 500000 الف ...... ابو حمد اطقع ما عنده حملها وسرى كل شي اوكي الين
شاف نقطه مسك الرمل شافه امن الطرق طردوه صار بينهم رمي بنشروا موتره
وقف ابو حمد وتوقف معه المستقبل .......ابو حمد 21 سنه انسان طيب مصلي مطيع لهله لاكن ......الطمع زلقه والحين ابو حمد في السجن العام بمحكوميه 25 سنه ..:( :( :(
الشعب ما عاد فيه حد كلهم مسافرين في اشغالهم وانت هالك متعطل لا وظيفه ولا شي ......
بعدها ما درى وين يروح قام الهالك يفر من اول الحزام لاخره ما معه حد والهواجس تلعب في فكره يمين ويسار يفكر في حال الدنيا وش جرا لها ....
.
.
.
في ذا الحكى ودراجه والرجال يفكر الا وهو يشوف واحد يعرفه وجه:(
يسير على ارجيله قال ياولد ركبه معك وسولف انت والرجال وادخل فيه .....انحد الهالك ما درى ويش يسوي ....المهم ما اوتاه يوقف الا والرجال ناصده هلا بابو حمد :confused: ....استغرب ابو حمد ....بس مشاها على انه يعرف الرجال سلام ومواجره وعلم وخبر ......
المهم قاله انت فاضي قال ايه قال خلك معك المهم ركب معه .....
وقاموا الاثنين يتحدثون ويتعرفون على بعض قال لك قال لك .....المهم سال ابو حمد الرجال اللي معه حتى ماهو بعارف اسمه ....بس انه خابره من ايام الثانويه
.
قال ياولد عادك خابر المشكله اللي صارت في المدرسه يوم جلدوني في الطابور الصباح.......ماسكين مع ابو حمد (شمه) قال خويه اللي معه ايوه وش السبب ياولد ...
قال والله ذعندك ايام الخباله يوم كنا مهستره مسكني المدير وانا ابردق الشباب
عند البراده وخلا الشباب واستلمني في الاداره خبطني الين تكسرت العصا ...وزد خبطني من بكره في الطابور .....
تنهت ابو حمد قال عز الله انها كانت ايام رهيبه كان الشباب موجودين والخصوصي والطلعات كل خميس .......طبعا ابو حمد متخرج من الثانوي 69 علمي...
بس شف تاليتها الشباب افلحوا وجابو معدلات وانا جلست هنا لا شغل ولا مشغله
كان الواحد منا شوفه جاس في البيت اربعه وعشرين ساعه.....
قال خويه افا بس افا اعقب وانا ابو صالح .....ابشر بسعدك
ما طلبهنت شي ....عرفت وش اللي في خاطرك ......تبقى وظيفه ابشر بسعدك
.
عندي لك ازن من الوظيفه انت رجال معك موتر جديد......هايلكس88 ....
وانا ما عليك الشغله باعطيك خبر بكره .......
المهم استمروا ذاك اليوم سحبتهم السوالف بحكم انهم الاثنين لاول مره يتلاقون قام كلا يفقل على الاخر .....وما جلسوا الا ويوم المذن ياذن راح ابو حمد ووصل ....ابو صالح لبيوتهم .
وبعد ما نزله قامت الدنيا تدور في راسه ....
ياولد ها وش ذا يبى ...
يبقاني ابسط في الحلقه ابيع قوطه والا بسباس والا حبحب ......
والا يبقاني اكد بس لا ياولد موتري غماره كيف المهم انه ما رقد الا بعد جيهان
وسوس ابو حمد بذي الوظيفه المحقى ......
المهم جا من بكره نفس الجدول ماتغير شي وبع العشاء مر خويه .؟...قد هو وابو صالح الشي واحد.
المهم كلا خبر لخويه وش سوى فتح الموضوع ابو حمد لابو صالح قام ابو صالح يحلفه ويتجوهه انه مايعلم حد ......واخر يا يعطي ابو حمد وجهه لابو صالح
ان سده في بير ......جوب ابو صالح قال انا باعطيك كل يومين شنطه وما ابقاك تفتحها وابقاك توصلها لرجال وأول ما تعطيه اياها يعطيك خمسه الاف ......
ابو حمد ما فكر وش اللي في الشنطه فكر في الدراهم قال اجمع لي كم قرش واطرش للشباب:mad:
المهم تواعدوا جا من بكره وصلها ابو حمد ويالله ويالله على مر الايام ابو حمد قد معه بدل الهايلكس صالون تالي موديله
وقدهوا بادي يعمر ومن ساله قال اشتغل من مكده في بيع وشرى .....الرجال طمع واعمى عينه الطمع .......
المهم جا ذاك الليل قال ابو صالح لابو حمد شغل اليوم ثقيل شوي انا باعطيك سبع شناط واربعه اكياس وابقاك توصلها للرجال بس الرجال ذي المره يبعد مسافه 900 كيلو انت بتصمل عطيتك ما صملت باعطيها غيرك والمبلغ هذي المره 500000 الف ...... ابو حمد اطقع ما عنده حملها وسرى كل شي اوكي الين
شاف نقطه مسك الرمل شافه امن الطرق طردوه صار بينهم رمي بنشروا موتره
وقف ابو حمد وتوقف معه المستقبل .......ابو حمد 21 سنه انسان طيب مصلي مطيع لهله لاكن ......الطمع زلقه والحين ابو حمد في السجن العام بمحكوميه 25 سنه ..:( :( :(