محاوره بين النصافي والذيب

[علي اليامي]

--------------------------------------------------------------------------------

الشاعر الكبيرصقرالنصافي الذي خلدت روائعه اراد من خلال هذه
المحاوره بينه و بين الذيب ايضاح حقيقة ان ابن الصحراء كان ينادم
كل ماحوله لايصال صوته|


النصافي....
ياذيب وش علمك تهيض لساني
بعواك يوم ان المخاليق غافين

الذيب.......
.انا بلايه قو جوع حداني
الليل قمراء والضواري فواطين

النصافي....
ياذيب حسك في منامي شعاني
لولا الحيا جاوبت صوتك بصوتين

الذيب.......
عزي لمن مثلي جداه اقنباني
ماله جدا والناس ماهم بمعطين

النصافي...
ياذيب ياللي بالخلا ماتداني
ماشفت لي حول الثميله بويتين

الذيب.......
مريت لي بيتين يامودماني
عنها شمال وفي ظبطها مقيمين

النصافي..
.ياذيب ماقاربتهم بختلاني
ياكود تبخص في فريق اريش العين

الذيب....
انا الذي من شاف زولي نحاني
مااحرزت اجيهم خابر غيبهم شين

النصافي...
ياذيب ماعينت صافي الثماني
عند الغنم والا يرد البعارين

الذيب.......
.انا مااعرف الصاحب المرحباني
والناس واجد والعذارى مزايين

النصافي....
ماريته ياذيب عوده لياني
والنور بين قذيلته والحجاجين

الذيب.....
هذاك انا قبل امس شفته وجاني
من كثر دمعه محفي محجر العين

النصافي...
الله يوفقك الشياه السماني
من مال كرهين الوجيه البخيلين