عمشوج
24-05-2002, 04:49 PM
السالفة يا طوال العمار وما جا فيها
انا من الناس اللي يقدرون الاجازة ويقدسونها, وفي يوم من الايام كاني مواصل الي فجر ومشغل المكيف على العالي وكانعها( راقد بقوة) ناويها الي ظهر, المهم جاتني العجوز تقومني ( طبعا فارة الحوايا ومضحيه الغنم ومنظفة الزريبة ومسقية الريحان ومسوية القهوة ومتدخنة باقدع عملة).
المهم قالت لي بكل لطف وصوت هادي: قم يا ولدي نفداك سرحني صوب خوالك خابرتني ليجا طاري خوالي امسي في ظهرالهايلكس , وانا اتصينج. زودت الجرعة شوي وقالت: قم يا صبي سرحني صوب خوالك. رفعت البطانية شوي لين ظهر راسي وقلت: روحي صوب محمد( اخي الصغير) قولي له يسرحش ولا هو بمقصر. قالت: مهو بهنا مدري وين هو سارح( طبعا اخي مسكون ما هو يقر) . المهم تجبرت بالله ويو قدني باقوم سمعت صوته داخل البيت . قلت يالله هو ذا عود خليه يسرحش. قالت وهي راكنه ان به واحد بيسرحها: رح الله لا يوفقك يا معققود يا يهودي جعلك ما تخرج ولا تصيد خير وطفت المكيف.:mad:
المهم رقت ليب شوي وقومني الحر . تجبرت بالله وقلت يا ولد قم غسل وجهك وتقهو واسرح. والله واغسل وجهي واتقهوا واحمي الموتر( هايلكس 80) واخليها والفيصليه ابى اخذ لي غرض . والله والنزل صوب المحل ويوم خذت اللي انا ابى واطلع لن به فلبيني قايم عند الموتر وعنده سيارة اتصالات ويشبح فيه. دريت انها حصلت. رحت صوب الموتر واشبح فيه لينه متخوش من قدام وقلت للفلبيني: وش خبرك. قال: انا ما بي معلوم , ما بي شوف. سياره كراب. والله واتحاكى عليه ونويت ادعي المرور, واتذكر ان ما معي رخصة واتجبر بالله والحسها واروح, ويوم وقفت عند الاشارة فلين ذا الجندي يوم نصدني وقال وش قوم سيارتك. قلت: والله دعمني فلبيني وانا موقف عند السوق . قال : وش اللي يثبت ذا الكلام قلت واللهخ ما قلت الا الصدق واللي ودك ان ودك تخليني اروح فالله يبارك فيك . قال يخوي ما اقدر اناها ماسوليه. ويثا مني يا منه لين خلاني اروح بعد ما خذ معلومات السياره( استماره مطوفه 10 سنين) .
قلت يا ولد ما يبي لها طلعة ابها ما قالت شي شف حفلة ابو بكر ووسع صدرك وفلها يومين وعود. كلمت عبد الله( خويي القاحش) والله وتمم. واروح البيت والف العزبة, ( بطانية ومسند وطراحة مربوطة بحبل ) والله وندعس فجر ولا جات الساعة 9 الا وحن في بطن ابو خيال. افطرنا في الفندق انتركونتيننتال( حديقة ابو خيال) ونتحدث لنا شوي . راح الرجال يبى يجيب لنا ما من البقالة وابطى علي والله واخذ فوق الثلاث ساعات لين الرجال جايني واذانيه مثل اذانثي الارنب ونشدته وش العلم قال: تهاديت مع الهندي وفقشته( ربي انشبه بمنابشة العمال) وجا كفيله وقال لي ارضه قال الهندي: انا يبقى الف. والله ويا الف مع الهندي
( قطتنا) قلت له: يا ولد عودنا عاد معي هنا ثلاثين في جيبي خلها تصلنا هلنا, والله ونعود ما جا مغرب الا وحن في بيوتنا. والله يكفانا شر ذا العجوز ودعاويها( حرقه الله ربنا وربها)
انا من الناس اللي يقدرون الاجازة ويقدسونها, وفي يوم من الايام كاني مواصل الي فجر ومشغل المكيف على العالي وكانعها( راقد بقوة) ناويها الي ظهر, المهم جاتني العجوز تقومني ( طبعا فارة الحوايا ومضحيه الغنم ومنظفة الزريبة ومسقية الريحان ومسوية القهوة ومتدخنة باقدع عملة).
المهم قالت لي بكل لطف وصوت هادي: قم يا ولدي نفداك سرحني صوب خوالك خابرتني ليجا طاري خوالي امسي في ظهرالهايلكس , وانا اتصينج. زودت الجرعة شوي وقالت: قم يا صبي سرحني صوب خوالك. رفعت البطانية شوي لين ظهر راسي وقلت: روحي صوب محمد( اخي الصغير) قولي له يسرحش ولا هو بمقصر. قالت: مهو بهنا مدري وين هو سارح( طبعا اخي مسكون ما هو يقر) . المهم تجبرت بالله ويو قدني باقوم سمعت صوته داخل البيت . قلت يالله هو ذا عود خليه يسرحش. قالت وهي راكنه ان به واحد بيسرحها: رح الله لا يوفقك يا معققود يا يهودي جعلك ما تخرج ولا تصيد خير وطفت المكيف.:mad:
المهم رقت ليب شوي وقومني الحر . تجبرت بالله وقلت يا ولد قم غسل وجهك وتقهو واسرح. والله واغسل وجهي واتقهوا واحمي الموتر( هايلكس 80) واخليها والفيصليه ابى اخذ لي غرض . والله والنزل صوب المحل ويوم خذت اللي انا ابى واطلع لن به فلبيني قايم عند الموتر وعنده سيارة اتصالات ويشبح فيه. دريت انها حصلت. رحت صوب الموتر واشبح فيه لينه متخوش من قدام وقلت للفلبيني: وش خبرك. قال: انا ما بي معلوم , ما بي شوف. سياره كراب. والله واتحاكى عليه ونويت ادعي المرور, واتذكر ان ما معي رخصة واتجبر بالله والحسها واروح, ويوم وقفت عند الاشارة فلين ذا الجندي يوم نصدني وقال وش قوم سيارتك. قلت: والله دعمني فلبيني وانا موقف عند السوق . قال : وش اللي يثبت ذا الكلام قلت واللهخ ما قلت الا الصدق واللي ودك ان ودك تخليني اروح فالله يبارك فيك . قال يخوي ما اقدر اناها ماسوليه. ويثا مني يا منه لين خلاني اروح بعد ما خذ معلومات السياره( استماره مطوفه 10 سنين) .
قلت يا ولد ما يبي لها طلعة ابها ما قالت شي شف حفلة ابو بكر ووسع صدرك وفلها يومين وعود. كلمت عبد الله( خويي القاحش) والله وتمم. واروح البيت والف العزبة, ( بطانية ومسند وطراحة مربوطة بحبل ) والله وندعس فجر ولا جات الساعة 9 الا وحن في بطن ابو خيال. افطرنا في الفندق انتركونتيننتال( حديقة ابو خيال) ونتحدث لنا شوي . راح الرجال يبى يجيب لنا ما من البقالة وابطى علي والله واخذ فوق الثلاث ساعات لين الرجال جايني واذانيه مثل اذانثي الارنب ونشدته وش العلم قال: تهاديت مع الهندي وفقشته( ربي انشبه بمنابشة العمال) وجا كفيله وقال لي ارضه قال الهندي: انا يبقى الف. والله ويا الف مع الهندي
( قطتنا) قلت له: يا ولد عودنا عاد معي هنا ثلاثين في جيبي خلها تصلنا هلنا, والله ونعود ما جا مغرب الا وحن في بيوتنا. والله يكفانا شر ذا العجوز ودعاويها( حرقه الله ربنا وربها)