ياناب الذيب 00 فنجال بن وعلوم جن

[عبدالهادي الخليوي]

- اخي الشاعر الكبير / ناب الذيب امل ان تجد الفرصه لهذه المحاوره معك

والتي اتشرف بها لكونها مع شاعر عملاق في ساحات المحاوره 0



--

احلى من الجردان والشهد في النوب **يامرحبا ترحيب مافيه عذروب
في منتدى الشامل عن الكل بانوب***واللي تباه النفس تتعب وتلقاه




- يامرحبا ياللي لشعره ذوق *** زيزوم ربعه صافي النيه







- ان كان ناب الذيب في خاطره شي ***يبشر بمن يرضيه من ذي ومن ذي
وان كان مارضيتك فمن عاد بارضي ***واللي تباه النفس تتعب وتلقاه






- لك عندنا يالناب قدرٍ فوق***وتستاهل الطولات مثنيه






***

[عبدالهادي الخليوي]

-:confused: :confused: :confused:

[عبدالهادي الخليوي]

- ارررررحب ياناب الذيب


- والشك زايل طال عمرك وعذرك على جميل وهلابك



- استلم لاهنت






-
الايام تبدي ماخفا والليالي **وتبين وقفات الردى والمعالي
**والطيب فالك مثل ما الطيب فالي **واللي تباه النفس تتعب وتلقاه



مايعرف الطولات راعي البوق** اللي علومه سود والنيه





ياناب مايوخذ سوى هافي الساس ** وانا وقفت وموقفي يرفع الراس
واللي هقينا به تخلا مع الناس ** واللي تباه النفس تتعب وتلقاه



- اقولها وانا ولد مرزوق ** مايوخذ الا اللاش والعيه

[أحمد آل حارث]

صح لسانك يابو فهد ولسانك ياناب الذيب

شعراء كبار وعساكم على القوه وتروني

ماسك الصف ,,,,

الله لايهينكم واصلوا وترونا متابعين والله

يعطيكم العافيه,,,,,

[عبدالهادي الخليوي]

ارررررحب يابو مسفر


- وجودك وحضورك يشرفنا لاهنت ياذيبان



- لكن ماقلت في اي صف !!!!!!!!


- كله واحد ياحمد اهم شي متابعتك والسلام 0



- اخوك / عبدالهادي

[عبدالهادي الخليوي]

- استلم لاهنت




- وين انت رايح وين ياصاحبي وين *** موترك لف ايسار وادروبنا ايمين *** مثلك فطين وينتبه للعناوين *** واللي تباه النفس تتعب وتلقاه


لا ياعدو القوم فيه فروق *** تسعه على التسعين في الميه




- ماجيت انا لك في رفيقي وما صار *** العلم في (الاقلاع) بابيح الاسرار ***بيني وبين اللي تكلم بالاخيار*** واللي تباه النفس تتعب وتلقاه





- احسب حسابي ماني بمطفوق *** وارفع كلامي ماقرب السيه





**

[عبدالهادي الخليوي]

- ياناب طال الوقت ماشفت ردك *** قلي عسى ماشر ياناب ردك***العد صافي ماه والورد وردك***واللي تباه النفس تتعب وتلقاه






- عقب الرطب ياناب تمرك قوق*** هذا شهر والنفس مبريه








- اللي على شفي ودايم ببالي ***ماراح طيفه لا ولاهو ببالي ***والشاعر اللي راح ماهو يبالي ***واللي تباه النفس تتعب وتلقاه





- سم الحنش قالوا يجيب العوق *** لكن وش يقولون في الحيه




=---

[عبدالهادي الخليوي]

- مافيك شك وافي ومن وافين لكن حبيت انك تجي وانت متحمس



- وليتني ماسويتها لكن صارت وانت شاعر كبير بدون مجامله

وماشاء الله عليك جبت اللي في الخاطر

والمحاوره معك والله فايدتها لي من شاعر له باعه وقامته الشاهقة0

- استلم لاعدمتك:



- يبين فرق الطيب بين الرجاجيل ***لي جات حزات الخطر والتهاويل*** ومايستوي في كل شي روس وارجيل *** واللي تباه النفس تتعب وتلقاه



- احذر من اللفات وانت تسوق ***ترى بعضها فيه ردميه ;)





- اطرب لما شفت المشاكيل شرواك ***ياناب ولا اللاش ياجعل يفداك***هذاك والله
ماحسبناه هذاك*** واللي تباه النفس تتعب وتلقاه



- فعلك معه خلا عيونه روق *** العلم غانم وانت راعيه



-

[هادى ال حيدر]

الاخ اشاعر عبدالهادي الخليوي,والاخ الشاعر ناب الذيب:

بيّض الله وجيهكم على هذه المتعه التي لايفعلها غير فحول الشعر
وآسف لمقاطعتكم ولكن حبيت ابداء اعجابي بما تكتبون وانا في
في صفكم كلكم والله لايهينكم الجميع.

اخوكم:هادي ال حيدر

[عبدالهادي الخليوي]

- ارررررحب ياهادي بن حيدر



- ووجهك ابيض ولاهنت طال عمرك اطلاعك ومتابعتك شرف


- واسف على تاخري في الرد حيث كنت مسافر وهلابك



- اخوك / عبدالهادي

[عبدالهادي الخليوي]

ترفع بعد اذن المشرفين من اجل ان يطلع

على هذه المحاوره الاخ الكريم/ احساس غير

وبصفته متذوق فارجوا منه كتابة راية بكل

صدق وتاكد ان كل ماتكتبه محل تقدير

واحترام مهما كان ولك الشكر 0


- اخوك / عبدالهادي

[إحساس غير]

كل معاني الود وملايين التحايا لكلا الشاعرين
الأخ عبد الهادي و ناب الذيب000
لكم مني جزيل واسمى التحـــــــــــــايــــا المعطره 0
فعلاً ما إطلعت عليه شيء مميز لا يصدر إلا من شعراء مميزين 000
نقف احتراماً واجلالاً لكم احبتي والعذر منكم فلم أطلع على هذه المحاورة إلا اليوم بعد دعوة الأخ عبد الهادي 000



واسمح لي استاذي الكريم بقول أحد شعرائنا :

ولا صار مالك ليا منك ركضت اغبره ***** شوري عليك أترك البيدا .. وكب الطراد

لكم كل الشكر 000

[عبدالهادي الخليوي]

- إحساس غير




- لاهنت طال عمرك وانا والله اني ماطلبت رايك الا لجل ان تنقدها اذا كان فيها

مايستحق النقد لان كل واحد يتعلم من اخية ولا فيه انسان كامل ولكن مايجي

من الطيبين الا الطيب


شكرا لمرورك والتشريف بكلامك الجميل


- البيت اللي انت كاتبه للشاعر المعروف / نايف صقر وهذا بيت من ضمن قصيدة

رائعة للشاعر المذكور يقول :



حنا لو انّـــاحسبنا مازرعنا الذره ***** قل للعصافير تتركنا وقل للجراد




اخوك / عبدالهادي

[عبدالهادي الخليوي]

الله يذكرك بالخير ياناب الذيب


وانا هنا اقدم لك دعوة للعودة ونحن في انتظارك


اخوك / عبدالهادي