مشاكل حلها بيد الخياط

[راعي الاوله]

يقولكم راح اليوم يبقى يطلع ثيابه من المغسله اخينا بالله عميل دايم للمغسله وكم يوم قد زلق الهندي الهالك مايسدده الا بعد ثلاثه اشهر لا وعينه قويه يسفط عند المغسله ويضرب الهرن وه داخل السياره ولما يجيه الهندي الهالك مايفتح الا شوي من الدريشه على شان يفك نفسه من شكاوي الهالك اللي كل يوم وهو على نفس السيمفونيه صديق عميل مال انا يخصم راتب والاخ ولا عنده كان المغسله باسم اخيه المهم اخينا بالله مواعد ويبقى يكشخ طبعا السياره حقت واحد من الشباب والجوال حق خويه الاخر اللي معه في الشقه والطاقيه باجعها الزبده مزبن عمره الشنب والطيب مالقى شي مر على محل وطلب من عندهم طيب يوم عطوه اياه قال كم سعره قال بميه وخمسين قال امس مشتريه بميه وفش له طيب وزبط عمره وبعدها قال خلاص رجع يجيك بعد شوي المهم موضوعنا في ثوب اخينا بالله طبعا الثوب من كثر الغسيل ما عاد من القلاب الا جهه وحده قد القلاب الثاني صاير ساده (موضه مش حالك) قال للهندي وين ثوب مال انا قال الهندي شوي والمهم ساعتين والهالك يدور مالقاه جاه الهندي قال مالقيته نزل على الهالك ودعس في بطنه الين تنافصت عيون الهالك طبعا كل شي خرب رد السياره والطاقيه رجعها والسياره ماقصر عباها بخمسه ريال بنزين(بيض الله وجهه) ومر الخياط وكالعاده فصل ثوبين ولاهو بمارها الا قبل العيد هذا اذا ماجاه ليله العيد ......المهم الله يعين اخوياه ؟ طبعا اخينا معليه خلاف راتبه 5 الاف بس خلاص السالفه صارت مرض نفسي ........ :D :D :D

[عاشق موت]

[حقيقه كلامك واقعي وصاير كثير في الأيام هذي مع ان الشباب صارو اكثر تعليم وثقافه والأهم من ذالك الوازع الديني ..صار الناس اللحين متطلعين اكثر على مسائل كمثل هذه المشكله وان الشي هذا حرام ولا يصح انه يصدر من انسان واعي ..
واقول نصيحه ياليت يعمل بها كل شخص يقراها
((((عامل الناس كما تحب ان يعاملوك )))) ((((واللي ما ترضاه لنفسك لا ترضاه لغيرك )))اخوك عــــ الموت ــاشق

[لا يا شيخ]

8
8
8
8
8
8
8
الله ما أشين وجهك لما قدك تتفلسف :D

مشكور يا راعي الموضوع ولو انك مطيهنته شوي كان يا سلام سلم

[جرفان]

^
^
^
^
^
^
^
لا اجيك :D

ايه يا راعي الاوله ذكرهنتني بهنا واحد هههههههههههههه على ايام الجامعه ... كان فيه هنا واحد يجينا و يرابط في صالتنا ... و يجلس شهر شهرين ما عاقت معه .... الوكاد انه ياكل و يشرب free مع انه موظف و حن يا ذا الهلكان ما معنا الا مكافئة الجامعه ... و في الاخير دجنا و لا زد عطانا وجه بعد ما لقا له ناس اخرين يتعلث عندهم :D

قضيه مهمه جداً و شي ملموس و واقعي ... اشكرك على هذا الطرح الطيب .. و ابغى اقول لك شي ...


و ربي ان اسلوبك تحفه :)

[دحباش]

هههههههههههههههههههههههههههههههههه

ياقدعان الديوانيه احلوت ......... بحلاة مواضيع كتابنا الفلتات :)

والله موضوع يناقض مشكله واقعه ( اللي هي التعلاث والمعيشه الطفوليه ) ... باسلوب ملامس للواقع ؛؛ واسلوب كبير ياراعي الاوله .. وكثر من هيك مواضيع.

يعطيك العافيه .... و تشــــــــــــاو :)

http://sayyer.8m.com/khatem.gif