لا يا شيخ
18-05-2002, 01:37 PM
في صبيحة يوم مشرق ... كانت الشمس فيه تقلي الحب على قولة جدتي فلوة .... والطيور غادي لها زقزقة .... وصوايح الغران تطرب الأذان ..... ضجج ذلك الفتى اللي من شبح في وجهه قال الله لا يعوق لنا برث ...... قام الرجال ولين أول ما به عثر في البطانية وأول ما رقع في القاع قبوعة ..... قام الرجال وحك درمتة شوي ... ثم نصد التانكي اللي في الحوش يغسل وجهه ....... طبعا أنتوا ذلحين تتسائلون الله علم من ذالصبي اللي السالفة عنه ...... هذا طول الله عماركم أنا يا محاكيكم :)
عز الله غسلت وجهي وبعض الغسال أزين منه النسمة ...... وادخل افطر واتقهوى مع الشيبة والعجوز ...... المهم فيما حن نردم من طرف هنا مدهن .... قالت العجوز شف يا عظيب لا تروح لك مكان ... ترا خالاتك كلهم مجتمعين عند خالتك قينة واباك توديني لهم ...... قلت اني متخاصم انا وعيالهم ولانيب رايح لبيوتهم .... قالت ان قدني دارية .... ما معي منك الا الفلس .... خلق الله عيالهم ينفعونهم ويودونهم ويجون بهم .... وأنت ياذالعير لما قلنا لك شي قلهنت اني متخاصم مع فلان والا ماني اداني فلان ...... ودني وارجم بي في طرف الوطن وانا باسير على رجلي لي عندهم ...... قلت خلي الجحمة حمد ابن قينة يجي ياخذش .... أما أنا مالي عازة ...... قالت جعلك حذاه ذا عندك اللي أنت تتهزا به ..... قدهو ذا عندك ضام عمره ومريح هله .... وقدهو ذا عندك مسكوا له بنت عمه .... وبيتملك بها في الصيف ........ قلت المهم مالي عازة دبري عمرش ...... قالت للشيبة .... وأنت ياذا .... ايش قوم ما تحاكا ..... زاين لك حكاه .....فلين الشيبة يوم شبح فيني بطرف عين وهو ينخش لحمة ناشبة في سنة من العشا البارح و قال بتعين مفاتيح الوايت على الدولاب ذا عندك .... ود أمك ورح عب ما ....... قلت طيب :D
المهم سرحت العجوز لخواتها ..... ولينها مركبة معنا في غمارة الوايت هنا كراتين ظني انها بتسد حمد قينة شهر اعاشة ....... هنا خضرة ماني اشوفها كون لما قد العجوز تروح صوبهم .... عز الله نزلتها ودافرت الكراتين ذيك .... وأحرك للبير أعبي ما .... المهم جيت وأمسك سرا مع هل الوايتات ...... ومن ذالكذوب .... وكلنا ينجخ على الثاني ..... قال هنا واحد يقال له أبو دلال ... أنتوا دارين اني مرة رحت للرياض وسمرت عند شباب هناك ورجعت ما قام الشيبة يصلي الشفع الا وأنا معه :D ..... المهم انحن على الحال ذا لين وصلني السرا ..... واعبي الوايت واحرك للبيت ...... يوم جيت ولين ذا الشيبة يخاصم هنا غرير طالع على جدر ..... والشيبة يرقبة تحت ....... هاثم قد السكر مع الشيبة مرتفع والغرير قدهو بيخبل ما جاله ينزل داري ان الشيبة بيدعسة لين يدعس القاع من عطفه ........ وأجي ويوم شافني الشيبة فنسي من الغرير ولينه جايني يشيك الليات اللي من الوايت للتانكي ..... ويوم حظي اقشر فحصل واحد منها منكسر ....... قال بتعلمني يا ذالقارشة كم انا قد صحت عليك لا تدعس الليات ..... ماني قد قلت لك لا تحرك الوايت الا قد ارفعهنت الليات كلها ...... الزبدة اني تلفعت ذاك اليوم .......
يوم جا حول الساعة ثلاث فلين العجوز تتصل قالت ها تعال ردني للبيت ....... قلت ما في السيارة بنزيم ... قالت رح لصندوقي بتعين فيه عشرة خذها عب بها .......... ولينها تتصور لي تباني اجيها .... علشان خواتها كلهم جو لهم عيالهم ....... ما تبى تتفشل قدامهم ......... عز الله رقعت العشرة واحرك للأملاح اخذ لي عازة مناك أغلب الشباب عارفينها ;) ....... واحرك للعجوز ............ يوم وصلت هناك فلين ذولا عيالهم كلهم متجمعين ...... ولين ذا حمد قينة معتصب وذالجعود ونيته انه داهية ...... المهم دخلت صوب بيتهم ..... ولين هنا غران يتحاكون علي بحكا شين .... وأنا ما كني أسمع شي ...... جات كم رجمة في جنب الشاص وانا ساكت ... ماهوب من شي لكن تخبرون الكثرة تغلب الشجاعة ......عز الله وصلت بيتهم واطرق ...... ولين الشباب يوم جو صوبي ...... واقوم يعني ان الوضع عادي عندي ...... ولين حمد قينة يوم فتح الباب حق الشاص ..... قال ايش جايبك عند بيوتنا يا بزر .......... قلت ابد جاي آخذ الأهل وباروح :D ....... لينه يوم سحبني من ذا عندكم الشاص ..... قلت خربانة خربانة ....... واقوم ثم الفعة .......
المهم يوم لفعتة فلين ما عادني بداري منين الخبط يجيني ..... اللي يشوت واللي يلفع وهنا غرير يجري من راس الشارع لما قرب مني ها نكع في السما ثم رقعني برجله في بطني ..... عز الله وصل الصوت داخل ولين العجايز خارجين ...وقوموا يفارعون بيننا .... وانا ما عادني اشوف ... وأقوم من جور الحفلة ما حسيت بعمري الا قدني سادح خالتي نعمة وطايح فيها لفع ....... ما عادني بداري من أنا في ضوه ............ ضويت ذاك اليوم ولين قد وجهي رايح فيها ودمياني غادية نثر ..... واقوم طول الطريق ما بلا اتحلف ..... والله فيك يا حمد قينة .... نعن امي ان اسلمتك .... والعجوز ساكتة ...... واصل البيت وانزلها ..... ولين ذا الشيبة جايني .... قد اتصلوا عليه وعطوه العلم ...... انت رايح للرجاجيل يرضخونك يالروا ...... قلت اني لحالي ........ قال لحالك نعنبا ميزب شلك يالربل .... رح نعن امي يوم تجيني ما بعد خذيهنت قضاك ..... ان ارميك ......... نعنابيك غديهنت لي فضيحة .... ان انت في البيت فعولاتك مالها مرقع ...... وان خرجهنت ما هو يخطي وجهك لفعة ......... ظني لكون بدالك بنت ان كانه اريح لي ..... عز الله وصل الظغط عند الشيبة حدة ...... والعجوز ما بلا تبكي
أعود واروح لهادي ابن حمد ...... قلت ابو حمد يامن نعتة ...... قال ابشر بعزك ايش ذا اللي فيك .... من اللي بك نعنابيك..... قلت ذولاعندك حمد قينة وعيالهم تحاولوني ......... عز الله ما خذينا ربع ساعة الا وعيالنا مجتمعين ......... ونحرك اما ذيك الساع صوبهم ....... متجهزين بمسالينا و مشاعيبنا ...... يوم نجي ولين هم ذولا تونا بيجي خمسطعش ...... وحن حول ثلاثطعش منها وحول ........ المهم وننزل ..... وأقوم وارقع لي مسلا واطلع لهم ....... قلت يا حمد ابن قينة عطني راسك ........ فلينه ذا خارج صوبي ....... قال اما ذلحين يا عظيب عطنا اللي في راسك قد ذولا عيالكم معك معادك بلحالك ............ فغير اصيح ....... ععععيييييييييييييوووووووووووو ....... امنع في نفسك ياحمد قينة ثم غير ارقعة بالمسلا في دعرتة ...... فلينة منجعر ..... ولين الهدة يوم قبت اما ذيك الساع ......
نتايج الهدة طول الله عماركم كانت سبعة راحوا للمستشفى ...... وخمسة دخلوا السجن ...... لي يومكم وشيباننا ماهم يسلمون على شيبانهم ......... والعلاقات بين العوايل شبه مقطوعة .... هاثم العجوز قد كبدها بتنسلك على الروحة صوب اختها لكن ما فيه ....... نجي ذلحين لسبب الهدة من البداية ..... السبب طول الله عماركم
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
ان حمد قينة مر من عند بابنا وهو مسرع :D
عز الله غسلت وجهي وبعض الغسال أزين منه النسمة ...... وادخل افطر واتقهوى مع الشيبة والعجوز ...... المهم فيما حن نردم من طرف هنا مدهن .... قالت العجوز شف يا عظيب لا تروح لك مكان ... ترا خالاتك كلهم مجتمعين عند خالتك قينة واباك توديني لهم ...... قلت اني متخاصم انا وعيالهم ولانيب رايح لبيوتهم .... قالت ان قدني دارية .... ما معي منك الا الفلس .... خلق الله عيالهم ينفعونهم ويودونهم ويجون بهم .... وأنت ياذالعير لما قلنا لك شي قلهنت اني متخاصم مع فلان والا ماني اداني فلان ...... ودني وارجم بي في طرف الوطن وانا باسير على رجلي لي عندهم ...... قلت خلي الجحمة حمد ابن قينة يجي ياخذش .... أما أنا مالي عازة ...... قالت جعلك حذاه ذا عندك اللي أنت تتهزا به ..... قدهو ذا عندك ضام عمره ومريح هله .... وقدهو ذا عندك مسكوا له بنت عمه .... وبيتملك بها في الصيف ........ قلت المهم مالي عازة دبري عمرش ...... قالت للشيبة .... وأنت ياذا .... ايش قوم ما تحاكا ..... زاين لك حكاه .....فلين الشيبة يوم شبح فيني بطرف عين وهو ينخش لحمة ناشبة في سنة من العشا البارح و قال بتعين مفاتيح الوايت على الدولاب ذا عندك .... ود أمك ورح عب ما ....... قلت طيب :D
المهم سرحت العجوز لخواتها ..... ولينها مركبة معنا في غمارة الوايت هنا كراتين ظني انها بتسد حمد قينة شهر اعاشة ....... هنا خضرة ماني اشوفها كون لما قد العجوز تروح صوبهم .... عز الله نزلتها ودافرت الكراتين ذيك .... وأحرك للبير أعبي ما .... المهم جيت وأمسك سرا مع هل الوايتات ...... ومن ذالكذوب .... وكلنا ينجخ على الثاني ..... قال هنا واحد يقال له أبو دلال ... أنتوا دارين اني مرة رحت للرياض وسمرت عند شباب هناك ورجعت ما قام الشيبة يصلي الشفع الا وأنا معه :D ..... المهم انحن على الحال ذا لين وصلني السرا ..... واعبي الوايت واحرك للبيت ...... يوم جيت ولين ذا الشيبة يخاصم هنا غرير طالع على جدر ..... والشيبة يرقبة تحت ....... هاثم قد السكر مع الشيبة مرتفع والغرير قدهو بيخبل ما جاله ينزل داري ان الشيبة بيدعسة لين يدعس القاع من عطفه ........ وأجي ويوم شافني الشيبة فنسي من الغرير ولينه جايني يشيك الليات اللي من الوايت للتانكي ..... ويوم حظي اقشر فحصل واحد منها منكسر ....... قال بتعلمني يا ذالقارشة كم انا قد صحت عليك لا تدعس الليات ..... ماني قد قلت لك لا تحرك الوايت الا قد ارفعهنت الليات كلها ...... الزبدة اني تلفعت ذاك اليوم .......
يوم جا حول الساعة ثلاث فلين العجوز تتصل قالت ها تعال ردني للبيت ....... قلت ما في السيارة بنزيم ... قالت رح لصندوقي بتعين فيه عشرة خذها عب بها .......... ولينها تتصور لي تباني اجيها .... علشان خواتها كلهم جو لهم عيالهم ....... ما تبى تتفشل قدامهم ......... عز الله رقعت العشرة واحرك للأملاح اخذ لي عازة مناك أغلب الشباب عارفينها ;) ....... واحرك للعجوز ............ يوم وصلت هناك فلين ذولا عيالهم كلهم متجمعين ...... ولين ذا حمد قينة معتصب وذالجعود ونيته انه داهية ...... المهم دخلت صوب بيتهم ..... ولين هنا غران يتحاكون علي بحكا شين .... وأنا ما كني أسمع شي ...... جات كم رجمة في جنب الشاص وانا ساكت ... ماهوب من شي لكن تخبرون الكثرة تغلب الشجاعة ......عز الله وصلت بيتهم واطرق ...... ولين الشباب يوم جو صوبي ...... واقوم يعني ان الوضع عادي عندي ...... ولين حمد قينة يوم فتح الباب حق الشاص ..... قال ايش جايبك عند بيوتنا يا بزر .......... قلت ابد جاي آخذ الأهل وباروح :D ....... لينه يوم سحبني من ذا عندكم الشاص ..... قلت خربانة خربانة ....... واقوم ثم الفعة .......
المهم يوم لفعتة فلين ما عادني بداري منين الخبط يجيني ..... اللي يشوت واللي يلفع وهنا غرير يجري من راس الشارع لما قرب مني ها نكع في السما ثم رقعني برجله في بطني ..... عز الله وصل الصوت داخل ولين العجايز خارجين ...وقوموا يفارعون بيننا .... وانا ما عادني اشوف ... وأقوم من جور الحفلة ما حسيت بعمري الا قدني سادح خالتي نعمة وطايح فيها لفع ....... ما عادني بداري من أنا في ضوه ............ ضويت ذاك اليوم ولين قد وجهي رايح فيها ودمياني غادية نثر ..... واقوم طول الطريق ما بلا اتحلف ..... والله فيك يا حمد قينة .... نعن امي ان اسلمتك .... والعجوز ساكتة ...... واصل البيت وانزلها ..... ولين ذا الشيبة جايني .... قد اتصلوا عليه وعطوه العلم ...... انت رايح للرجاجيل يرضخونك يالروا ...... قلت اني لحالي ........ قال لحالك نعنبا ميزب شلك يالربل .... رح نعن امي يوم تجيني ما بعد خذيهنت قضاك ..... ان ارميك ......... نعنابيك غديهنت لي فضيحة .... ان انت في البيت فعولاتك مالها مرقع ...... وان خرجهنت ما هو يخطي وجهك لفعة ......... ظني لكون بدالك بنت ان كانه اريح لي ..... عز الله وصل الظغط عند الشيبة حدة ...... والعجوز ما بلا تبكي
أعود واروح لهادي ابن حمد ...... قلت ابو حمد يامن نعتة ...... قال ابشر بعزك ايش ذا اللي فيك .... من اللي بك نعنابيك..... قلت ذولاعندك حمد قينة وعيالهم تحاولوني ......... عز الله ما خذينا ربع ساعة الا وعيالنا مجتمعين ......... ونحرك اما ذيك الساع صوبهم ....... متجهزين بمسالينا و مشاعيبنا ...... يوم نجي ولين هم ذولا تونا بيجي خمسطعش ...... وحن حول ثلاثطعش منها وحول ........ المهم وننزل ..... وأقوم وارقع لي مسلا واطلع لهم ....... قلت يا حمد ابن قينة عطني راسك ........ فلينه ذا خارج صوبي ....... قال اما ذلحين يا عظيب عطنا اللي في راسك قد ذولا عيالكم معك معادك بلحالك ............ فغير اصيح ....... ععععيييييييييييييوووووووووووو ....... امنع في نفسك ياحمد قينة ثم غير ارقعة بالمسلا في دعرتة ...... فلينة منجعر ..... ولين الهدة يوم قبت اما ذيك الساع ......
نتايج الهدة طول الله عماركم كانت سبعة راحوا للمستشفى ...... وخمسة دخلوا السجن ...... لي يومكم وشيباننا ماهم يسلمون على شيبانهم ......... والعلاقات بين العوايل شبه مقطوعة .... هاثم العجوز قد كبدها بتنسلك على الروحة صوب اختها لكن ما فيه ....... نجي ذلحين لسبب الهدة من البداية ..... السبب طول الله عماركم
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
8
ان حمد قينة مر من عند بابنا وهو مسرع :D