دحباش
15-05-2002, 10:24 AM
عندما اسلم الشيطان
البارحه طخرني الشيبه .. و لا خلا علي كلمه وابشركم ذي المره مااستخدم اي اسلحه بيولوجيه اللي انتوا خابرينها ... السالفه اني سرحت للمدرسه بالجمس الجديد اللي واقف تحت البايكه ( حنيت الفلوس ) .. قال انت قليل مروه واللا منت مسرح مية واربعين الف ريال توقفها في الشمس .. :( المهم بعد ماطردني من البيت .. ضاق صدري و نصدت هنا طوبه .. كاني داس تحتها بكت دخان ابيض
يوم جيت ابا ارفع الطوبه .. الا واحد يعطيني زقاره .. لا و مسوي فيها حركة اتيكيت مخلي زقاره طالعه شوي من البكت و يمد علي بالباكت ..( انتوا عارفين الحركه) استغربت قلت من انت يا شين .. قال انا خدامك الشيطان .. قلت هين عندك ولاعه .. ولع الزقاره .. خرج ولاعه شكلها من الغاليات اللي مع ممثلين الافلام الأمريكيه .. ينفض الولاعه علشان يطيح راسها و يولع.
قمت ادخن .. وقلت للشيطان وش جايبك؟ ايش تبغى ؟
قال انا عرفت ان صدرك ضيق و جيت اهونها عليك
قلت له : اي والله ان نادم ياخوي ( ياخوي !! ) على اللي سويته مع الشيبه .. الرجال ماخرج السياره اللا بعد كد و عنا .. وحن كل شي جاينا جاهز .
قال الشيطان :شف ياولدي ( ولدي ؟؟ ) اللي سويته كان شي عادي .. و من باب ( واما بنعمة ربك فحدث ) و لافيه عصيان للوالدين ولاشي
قلت له شف يا شيطان .. انا مدري ليه ارتحت لك .. قال لي .. والله اني ارتحت لك اكثر . انا بس شفتك حسيت انك توأم روحي .. قلت له استح على وجهك وش توأم روحي ذي؟ .. قال لا يروح تفكيرك بعيد اصلاً انت اشين مخلوق قد شفته . بس اخلاقك عاليه و شكلك انسان طيب جداً و ودي تصير بيننا صداقه بريئه
و يم قعدنا شوي قال الشيطان .. ماعندكم مكان اخصر يفتح النفس نتمشى فيه ؟؟ قلت: خلني اوديك الوطن حيث الخضره و حيث تمتع الانظار :) والشيطان ماصدق الوسخ .. مدري ايش هو يبا هناك .
وحن راكبين الشاص 82 صوب الوطن .. قال الشيطان .. مر بنا على ابن نايل تكفى .. خلنا ناخذ لنا باغة شمه .. قد راسي يفر قلته . حتى انت عندكم الحاجات ذي .. قال يارجال : الدنيا مليانه هموم والولعه ذبحنتنا ..
المهم مرينا على ابن نايل.. وودخلنا الوطن .. و نفر فيه شوي .. ولين الشيطان يدندن و يتحسر .. قال : كنا متواجددين هنا بكثره .. بس انحن ماأنقطعنا .. و في خلال الحديث قال الشيطان .. خلنا نروح لذاك الشايب اللي هناك .. و رحنا للشيبه و سوالف .. و لين الشيطان يذكر الشيبه ببطولات اجدادهم ومعاركهم وفتوحاتهم الاوله اللي وصلت موزمبيق
و يقوله :
والعز الاول ماعاد منه *** كون بيت الله و مسجد و محراب ( الشيطان يحفظ اشعار )
والشيبه فاق ثمه .. مبسوط على الكلام ذا .. نيته ان هله الهلاليين
يوم قدحن بنحرك .. برز الشيطان بالشيبه و قاله .. ترى ذي بلادكم .. و اخاف والله العالم .. ان ذياك الرجال زال فيها له شبر و اللا شبرين وانا باروح له ذلحين واقوله .. انت زال في بلاد الرجال .. و انشاء الله نسد بينكم باسلوب حضاري ( جاب الشيطان مشكله مهيب موجوده ) :(
حركنا من عند الشيبه .. ونروح للثاني .. وسوا معه الشيطان ماسوا مع الاول .. و قال نفس بيت الشعر .. و في الاخير قاله : ترا الرجال خويك يبى يزل في بلادك .. و عندي علم انه يبا يحرك الوثن ..و قال انه ماهوب ماشي على الورقه اللي بينكم .. والله ياخوي البلاد عار .. و بصرك :) مازد كثر الشيطان .. معه .. قال مشينا بس .. اصلا عيالي عمي واجد في ذا المكان بيتابعون القضيه
قال الشيطان : اماكنكم الطبيعيه مره نايس ( nice ) .. طيب ماعندكم مكان فيه business بيزنز .. فكرت شوي .. وقلت خلني اوديه المعارض .. مافيني له يفضحني في الاسواق .. حركنا صوب المعارض .. و تخبرون الطريق طويل شوي .. ( لنا ياهل علوا ) و في الطريق .. قلت للشيطان عطنا سالفه .. قال انت تامرني ياحبيبي :D
قال الشيطان : تدري ويش اكثر شي يعجبني فيكم ... قلت ويش .. قال : انكم شديدين تاكلون زاد الشوفه .. وحمقت .. من كلامه . و اجنب .. و اقول انزل لابارك الله في ساعه شفتك فيها .. :mad:
قال : خلاص اخر مره تكفى .. و باباشر عليك في البقاله .. دخان و فصفص و الرياضيه واللي تبا طخطخ .. قلت خلاص اركب ولاعاد تعيدها .. يله عطني نكته .. قال : فيه بدويه شاريه لها عطر رجالي .. قالها ابيها ليه تشترين عطر رجالي .. قالت حرمتونا منهم .. ريحهم و لاعدمهم :D قلت الظاهر اني بانزلك .. انت و سماجتك .. انثبر ولاعاد اسمع كلمه . اوكيه .
المهم في الطريق تذركت هنا رجال .. عندي له فلوس .. قلت بامره و اسدده .. قال الشيطان : يارجال كبه منه ذا .. شبعان فلوس ولاهوب في حاجتها ذلحين .. بعدين ايش معه منها .. يومهو مزعجك يتصل عليك كل يوم .. اين الدراهم .. اين الدراهم .. نيته انك بتاكل فلوسه .. حرك يارجال و خلك منه ... قلت اي والله انك صادق ياشيطوني .. خله على النابي
نزلنا المعارض .. و تنفرج في الهوايلكس و الجيوب .. و انا منكلس .. :(
سحبني الشيطان .. وقال تعال .. فيه سياره لولد عمي يبى يبيعها هنا .. تعال خلني ازاود عليها . اربها تجيب له سعر طيب http://www.eqla3.com/file/ubb/icons/icon66.gif ( فاهم الشيطان الحركات ) . قلت له .. باروح انا للسياره .. و انت الحقني .. قال اوكيه .
يوم قعدنا شوي . و لين الشيطان جايني يجري .. و ينتعت .. و يقول
8
8
8
8
8
8
8
8
8
8
8
8
8
8
8
كل ذا تسوونه في المعارض .. خافوا الله يامسلمين :D
البارحه طخرني الشيبه .. و لا خلا علي كلمه وابشركم ذي المره مااستخدم اي اسلحه بيولوجيه اللي انتوا خابرينها ... السالفه اني سرحت للمدرسه بالجمس الجديد اللي واقف تحت البايكه ( حنيت الفلوس ) .. قال انت قليل مروه واللا منت مسرح مية واربعين الف ريال توقفها في الشمس .. :( المهم بعد ماطردني من البيت .. ضاق صدري و نصدت هنا طوبه .. كاني داس تحتها بكت دخان ابيض
يوم جيت ابا ارفع الطوبه .. الا واحد يعطيني زقاره .. لا و مسوي فيها حركة اتيكيت مخلي زقاره طالعه شوي من البكت و يمد علي بالباكت ..( انتوا عارفين الحركه) استغربت قلت من انت يا شين .. قال انا خدامك الشيطان .. قلت هين عندك ولاعه .. ولع الزقاره .. خرج ولاعه شكلها من الغاليات اللي مع ممثلين الافلام الأمريكيه .. ينفض الولاعه علشان يطيح راسها و يولع.
قمت ادخن .. وقلت للشيطان وش جايبك؟ ايش تبغى ؟
قال انا عرفت ان صدرك ضيق و جيت اهونها عليك
قلت له : اي والله ان نادم ياخوي ( ياخوي !! ) على اللي سويته مع الشيبه .. الرجال ماخرج السياره اللا بعد كد و عنا .. وحن كل شي جاينا جاهز .
قال الشيطان :شف ياولدي ( ولدي ؟؟ ) اللي سويته كان شي عادي .. و من باب ( واما بنعمة ربك فحدث ) و لافيه عصيان للوالدين ولاشي
قلت له شف يا شيطان .. انا مدري ليه ارتحت لك .. قال لي .. والله اني ارتحت لك اكثر . انا بس شفتك حسيت انك توأم روحي .. قلت له استح على وجهك وش توأم روحي ذي؟ .. قال لا يروح تفكيرك بعيد اصلاً انت اشين مخلوق قد شفته . بس اخلاقك عاليه و شكلك انسان طيب جداً و ودي تصير بيننا صداقه بريئه
و يم قعدنا شوي قال الشيطان .. ماعندكم مكان اخصر يفتح النفس نتمشى فيه ؟؟ قلت: خلني اوديك الوطن حيث الخضره و حيث تمتع الانظار :) والشيطان ماصدق الوسخ .. مدري ايش هو يبا هناك .
وحن راكبين الشاص 82 صوب الوطن .. قال الشيطان .. مر بنا على ابن نايل تكفى .. خلنا ناخذ لنا باغة شمه .. قد راسي يفر قلته . حتى انت عندكم الحاجات ذي .. قال يارجال : الدنيا مليانه هموم والولعه ذبحنتنا ..
المهم مرينا على ابن نايل.. وودخلنا الوطن .. و نفر فيه شوي .. ولين الشيطان يدندن و يتحسر .. قال : كنا متواجددين هنا بكثره .. بس انحن ماأنقطعنا .. و في خلال الحديث قال الشيطان .. خلنا نروح لذاك الشايب اللي هناك .. و رحنا للشيبه و سوالف .. و لين الشيطان يذكر الشيبه ببطولات اجدادهم ومعاركهم وفتوحاتهم الاوله اللي وصلت موزمبيق
و يقوله :
والعز الاول ماعاد منه *** كون بيت الله و مسجد و محراب ( الشيطان يحفظ اشعار )
والشيبه فاق ثمه .. مبسوط على الكلام ذا .. نيته ان هله الهلاليين
يوم قدحن بنحرك .. برز الشيطان بالشيبه و قاله .. ترى ذي بلادكم .. و اخاف والله العالم .. ان ذياك الرجال زال فيها له شبر و اللا شبرين وانا باروح له ذلحين واقوله .. انت زال في بلاد الرجال .. و انشاء الله نسد بينكم باسلوب حضاري ( جاب الشيطان مشكله مهيب موجوده ) :(
حركنا من عند الشيبه .. ونروح للثاني .. وسوا معه الشيطان ماسوا مع الاول .. و قال نفس بيت الشعر .. و في الاخير قاله : ترا الرجال خويك يبى يزل في بلادك .. و عندي علم انه يبا يحرك الوثن ..و قال انه ماهوب ماشي على الورقه اللي بينكم .. والله ياخوي البلاد عار .. و بصرك :) مازد كثر الشيطان .. معه .. قال مشينا بس .. اصلا عيالي عمي واجد في ذا المكان بيتابعون القضيه
قال الشيطان : اماكنكم الطبيعيه مره نايس ( nice ) .. طيب ماعندكم مكان فيه business بيزنز .. فكرت شوي .. وقلت خلني اوديه المعارض .. مافيني له يفضحني في الاسواق .. حركنا صوب المعارض .. و تخبرون الطريق طويل شوي .. ( لنا ياهل علوا ) و في الطريق .. قلت للشيطان عطنا سالفه .. قال انت تامرني ياحبيبي :D
قال الشيطان : تدري ويش اكثر شي يعجبني فيكم ... قلت ويش .. قال : انكم شديدين تاكلون زاد الشوفه .. وحمقت .. من كلامه . و اجنب .. و اقول انزل لابارك الله في ساعه شفتك فيها .. :mad:
قال : خلاص اخر مره تكفى .. و باباشر عليك في البقاله .. دخان و فصفص و الرياضيه واللي تبا طخطخ .. قلت خلاص اركب ولاعاد تعيدها .. يله عطني نكته .. قال : فيه بدويه شاريه لها عطر رجالي .. قالها ابيها ليه تشترين عطر رجالي .. قالت حرمتونا منهم .. ريحهم و لاعدمهم :D قلت الظاهر اني بانزلك .. انت و سماجتك .. انثبر ولاعاد اسمع كلمه . اوكيه .
المهم في الطريق تذركت هنا رجال .. عندي له فلوس .. قلت بامره و اسدده .. قال الشيطان : يارجال كبه منه ذا .. شبعان فلوس ولاهوب في حاجتها ذلحين .. بعدين ايش معه منها .. يومهو مزعجك يتصل عليك كل يوم .. اين الدراهم .. اين الدراهم .. نيته انك بتاكل فلوسه .. حرك يارجال و خلك منه ... قلت اي والله انك صادق ياشيطوني .. خله على النابي
نزلنا المعارض .. و تنفرج في الهوايلكس و الجيوب .. و انا منكلس .. :(
سحبني الشيطان .. وقال تعال .. فيه سياره لولد عمي يبى يبيعها هنا .. تعال خلني ازاود عليها . اربها تجيب له سعر طيب http://www.eqla3.com/file/ubb/icons/icon66.gif ( فاهم الشيطان الحركات ) . قلت له .. باروح انا للسياره .. و انت الحقني .. قال اوكيه .
يوم قعدنا شوي . و لين الشيطان جايني يجري .. و ينتعت .. و يقول
8
8
8
8
8
8
8
8
8
8
8
8
8
8
8
كل ذا تسوونه في المعارض .. خافوا الله يامسلمين :D