ضاعت الرجلة

[حادر]

سلام يالربع

اخواني انا بأطرح عليكم موضوع مع اني داري ان بعظكم بيزعل لكن لابد من طرحة.

اخواني الرجال الصامل الى تربا على العلوم الغانمة والتربية الصالحة والعقيدة الطيبة الطاهرة المنصورة بأذن اللة تعالى هاذي صفات تربا عليها اجدادنا وحن من بعدهم هاذي عادات ماهي بغريبة على اهل نجران الي هم تربوا عليها.
ولا يمكن ننساها ولانتخلا عنها هي عزنا وهي الي تميزنا عن غيرنا .لكن بعض الشباب اقول بعضهم الشباب..........الي تعبوا اهلهم وسهروا ودفعوا مايملكون على شأنهم وعلشان يتعلمون وينفعونهم وينفعون عمارهم ويصورون عمدهم لي كبروا للاسف ماقدروا تعبهم وبعد ماسافروا في طلب العلم خلوا كل شي وراهم ( ياولد ماعندك حد انت ذلحين لحالك سوا كل الي تبغا الشيبة وراي طخطخ ماهوا بداري ) وعينك ماتشوف سهر وولعة وبالاوي ومغازلات وثياب مخصرة اللة يكرمكم وتشخيصات غريبة وكلام غريب يتصنع لهجة وووووالخ.
والدراسة: اشكل حرمان ورسوب في المواد والشيبة الهالك يرسل كل يوم امات خمس شاد ظهرة ويفتخر وراة رجال .يالربع واللة ان حن نشوف حاجات اللة لايوريكم واللة ان حن ننصح لكن الرد ( مالك دخل سلمنا الشيبان ولحقتونا)


** وفي المقابل لاواللة اكثر الشباب واللة ابشر برجال يدرس ومتفوق وابشر بالرجلة والدين والمقبال الطيب وهبت الريح تدخل شقتة تحسب انك في نجران واللة العظيم .



انا متأ كد ان بعظكم بيزعل ولاهوا بمصدق لكن هاذا هوا الواقع



(( بعض الشباب ))




وسلامتكم

[دحباش]

حيه و حي علومه :)
موضوع يناقش قضيه مهمه علينا .. الا وهي عيالنا اللي متغربين برا نجران .. والله انهم ماشافوا الغربه اللي حن فيها :)
اخي حادر طرحك جميل و اعجبني اسلوبك في الكتابه والله يكثر منك في الديوانيه و المنتدى .. و انت ناقشت قضيه باسلوب حيادي و ملامس للواقع .. ولافيه اي مجال للزعل :)

نجي للقضيه :
على ماقال الشاعر ابن حفافان : :D
ان الشباب و الفراغ والجده ........ مفسده للمرء اي مفسده

انا يعجبني اللي جامع كل شي .. من دراسه و ووناسه :D ولاهيب صعبه .. و كلنا شباب و فاهمين بعض :D

تشاو :)

[الجوكر]

انا اشهد انك شقفهنت النصع او كفيهنت او وفيهنت.
لاكن عليك بالنصيحه لان مهما كان هذولا اخوانك .
بس ارب منت بمنهم:D
ان انت منهم فشكلك قدك منكوي ;)
وصدقني ان التجربة تطلع رجاجيل:)
و بالذات هل الشرقية عز الله ان سوريا و دبي دامرتهم ومفلستهم و حاطتهم على بطونهم اجي اخر الشهر ماعاد في جيب الواحد ريال ثم يكلم في حوالة وان اشهد ياللي مثل ذا ان ما حوله رجله لان ماهو بداري كم عانوا هله لين جابوا له الخمس ميه اللي مايحسون بالمعاناه في سبيل انه يجيب الشهادة.
اما اللي يتعلمون طرق لبس جديده و قصات الجهر فذولا مدري ايش زد خلوا لخ***هم كبك منهم ذولا زالقين .

اخيكم الجوكر

[دحباش]

8
8
8
8
8
8

بعض الردود تسوى مواضيع والله .

بعد اذن راعي الموضوع . الجوكر عز الله ان ردودك تعبجني .. تفاعل مع المواضيع و ردود متعوب عليها .. عيني والله فلا هلت :)

[الجوكر]

مشكور يا دحباش بس برضه العين ماتعلا على الحاجب:)

[المنار]

بسم الله الرحمن الرحيــــم


الأخ/حادر حقيقة أشكرك على هذا الموضوع المفيد وكلامك صحيح وأشكر الأخ/الجوكر على الرد الطيب ولا أنس الأخ/دحباش (مجاملة..مشرف)

هذا هو واقعنا المر ينسى الشخص الأهم ويفكر في تفاهات الأمور (سفر + سهر + لهو+ ولعة (وقد تكون هذه الولعة من العيار الثقيل (مخدراااااااات+أو خمر)

وفي النهاية يلقى نفسه ....خارج التشكيلة
والله سبحانه وتعالى يقول (وما خلقت الجن والأنس الا ليعبدون)


ولقد ذكر الأخ الجوكر /شباب أهل الشرقية وسفرياتهم الى سوريا ...وكلامه صحيح ... واما أهل نجران سواء عزاب أو متزوجين فللأسف الشديد تحول مســـارهم الى اليمن الحبيب ...قد ذكر لي أشخاص متزوجين وكل أسبوعين بالكثير وهم متوجهين الى صنعاء (المدينة السياحية)

وأعرف شخص من أهل المنطقة (وأقسم بالله ان هذه القصة حقيقية) تزوج بالمرأه الثانية التي إختارها بنفسه وبعد شهر العسل ترك العروس عند أهلها وتوجه إلى مصر وسوريا ولبنان ...فما رأيكم في ذلك ..(بعدما دفع أهله كل مايملكون في سبيل سعادته وتحقيق لرغبتة في الزواج من الثانية...وتعاطفهم معه لأنهم عرسوه صغير ....والغريب أن أخوه + اخو العروس برفقته في هذه السفرية ...عجبي!!!!!!!!!!! ) حيث أن الدين النصيحة ......
والآن يفكرون يحطونه سفير لليمن لكثر سفرياته

فهذا مثال بسيط ....والتربية والدين والرجلة ..ليست محددة لأشخاص معينيين (الطلاب) فقط بل مطلوبة من الجميع ......

وإذا تجاهل الإنسان ربه الذي يرى كل صغيره وكبيرة ....وتجاهل مسؤلياته تجاه أسرته .......فإنه خسران بكل تأكيد (خسر حياته وآخرته)




أخوكم /المنــــار

[عاشق موت]

الأخ حادر كلا مك حلو وجميل وحاصل الشي هذا من زمن بعيد ولكن الأولين كانو رجاجيل قحشوها وسارو ليه ؟
لئنهم رجاجيل !

صدقني يا اخي الكريم ان الوقت اللي حن فيه ذلحين انه امحق وقت وان الشباب فيه غدو اللعن من البنات وصار اهل البيوت يتمنونهم بنات وهذا الشي حقيقي وصاير في معظم البيوت ولكن ايش السبب ؟

انت تقول ان اهلهم يدمعون من امات خمس كل يوم ومع ذا كله عادهم في زيادة هستره .
انا معاهدك بالله ان معاد فيه بيت في بطن نجران الا وفيه واحد ولا اثنين متخرجين من الجامعات الا القله القليله منهم .
فكيف تمشي عليهم امور اخوانهم في الغربه او عيال عمامهم ولا اي قريب لهم .يااخ حادر صدقني مافيه ابن مره يكره ان اخوانه ولحمه ودمه والطارف من ربعه انه يكون شبرهم في الرجله زايد بس لو تنظر للوقت اللي حن فيه تلقى شي يشيب الراس من اول ندرس ونرعى ونسقي ونضرب ونروح ونجي ولكن ما وطتنا الا زادتنا رجله وتعلمنا اشيا كثيره ما تعلموها ورعان البانبرز اللي يجي عمر الورع منهم 15 الا وقد تحت يده موتر جديد وتلقاه ما يعطف اصبع راقد يومه كله ولا على البلايستيشن ولا جالس يتبطح على الدش ويطلع الجامعه وفيه 99% مياعه على الظروف اللي يلقاها قدامه من الشباب اللي عاملين فيها خبره يضيع الواحد في الميه اللي باقي من الرجله والقزه والحموه ولا عاد يبقى معهم الا الدلع اللي مهو بلنا يا هل نجران .
والتربيه لها دورها ولهااثر كبير في نشأة الشاب خاصه في وقت النضوج (عمر المراهقه) على كل شخص ان يقوم بتربيه ابنائه او اخوانه او اللي يقربونله بالعلمه الطيبه والرجله والخوه والقزه في كل شان والابتعاد عن الأرديا بالطبع ولا بالأصل لئن هذولا هم اللي يجيبون لتحت .
وانت يا أخ حادر اذا تحسك امور الشباب ولا تقدر تعمل شي .اكيد انك تعرف ناس يقربون لهم ترى مهو بعيب اذا قلهنت ان ولدكم ضايع برا بالعكس انت تقصر حبل الضياع بأخبارك لأخوانه او اهله العيب انك تشوف وتسكت هذا هو العيب لئن هذه اسمها عندنا حمّوه واذا ما احتميت على اي واحد من اهل نجران فمنت بمنهم .


على العموم المضوع هذا هام جدا ويعطيك الف عافيه على طرحه . عسى اللي قلوبهم نايمه يقرونه وينتبهون لأخوانهم وعيالهم .وشكرا.
:confused:
اخوك عـــــــــ الموت ــــــــاشق

[حادر]

اخواني

دحباش,الجوكر,المنار,عاشق الموت

شكرا على الردود وشكرا على الاضافات الي وضعتوها .

وحناواللة ماقصدنا الى مصلحة الشباب ولا هو بعيب الخطاء لكن العيب التمادى فية وهم عارفين اخطارة ومشاكلة .
وقسم باللة يالربع ان حن احسن من غيرنا غيرنا من المجتمعات واللة ماعاد تفرق بين الرجل والمرءة



نجران يلزمنا بلزم الدم

عادات جد مانخليها

وسلامتكم وطولت عماركم

[لا يا شيخ]

شف يا أخ حادر .... الموضوع ذا ذو شجون الله يسلمك


من ناحية رجال يروح ويتبدل ..... فجعله مراح جدي اللي راح ولا زد شفناه الله يرحمه ...... رجال يخلي عادات ابيه وجده وعلوم الرجال ويروح يتبع السماجات ...... ولا يففع راسك الا لما جاك من هل نجران ثم قال لك سم ....... جعل الضباع العما ...
عموما ما ودي اكثر الحكا لاني داري اني باجيبها مدربجة .... لذلك مشكور يالغالي على الموضوع .... والله لا يهينك :)