بين برّاق المزون وبين برّاق الثنية

[ناب الذيب]

بين برّاق المزون وبين برّاق الثنية .=.. فرق واضح مثل مابين السما ويا ثراها

ذيك تحيي بالمطر قيعان صحصح جرهدية .=.. والثنايا برقها يبري علل يصعب دواها

واعذاب العاشق اللي شاف بنتن غشمرية..=. هزت القلب المعذب وأنثنى قلبه معاها

أنجذب قلبي لحبه ثم زاد الهم غيّة .=.. فرصتن للهم جاته واغتنمها واحتواها

شن غارات الشكوك بداخلي واثر عليّة .=.. مثل ماشن التحالف غارته في مبتداها

يوم هزّ أم المعارك ثعلب الصحرا عشيّة..=. هزّ بغداد العراق وهزّ بابلها وراها

عذبتني يوم راحت غصب ليلى الأخيلية .=.. روّحت ماناظرت مجروح ميّت في هواها

صوّبت قلبي بسهم العين وعيوني بريه .=.. اثخنتني بالجراح وباتت العين بشقاها

اشهدنها عذبتني نظرة العين الجرية .=.. ماتخاف الله صويبن طاح عاجز ماقواها

[عكروشــان]

صح لسانك

مميز يابو / حمد

الله يعطيك العافيه معاني جزله وشااعر متمكن

عكروشااان

[سهيل]

جعل عيني ماتبكيك مبدع بكل معنى الكلمه صح لسانك ياناب الذيب

بين برّاق المزون وبين برّاق الثنية ... فرق واضح مثل مابين السمـا ويـا iiثراهـا

اصدق ياثمه هاويش اقول ياوالله الي ابدعت وصف ولا اجمل اسمح لي اسدح اعجابي هنيا


.
.
.
.
.
.
حييتواااااا:D

[سايق الخير]

وصح لسانك
ما شاء الله عليك قصيدة جميلة
شن غارات الشكوك بداخلي واثر عليّة ... مثل ماشن التحالف غارته في مبتداها

تكفى ابعدنا من الغارات:D .

[دحباش]

اشهدنها عذبتني نظرة العين الجرية ... ماتخاف الله صويبن طـاح عاجـز iiماقواهـا

صح لسانك يابوحمد .... عيني فلا هلت :)

في انتظار المزيد من الابداعات يابوحمد .

في الدعه :)

[عبدالهادي الخليوي]

لله درك ياناب الذيب



وصح والله لسانك وتسلم يمينك



قصيد من اللي يسمونه الفريد النادر


شاعر كبير هنا وفي كل مكان تنسب له كان لي الشرف بالاطلاع على اغلب قصيدك الطاغي المبهر باسلوبك المميز



لاهنت ونحن بانتظار الجديد



- اخوك / عبدالهادي الخليوي (ناوي)