عاشق موت
27-04-2002, 03:58 AM
السلام عليكم
هذه السالفه لو ماني على الأنترنت ما استجريت اقولها ومالها داعي حد يبشعبنا ها ناهي ؟
طيب هاسلم !!!!!
السلفه ذي ايام المراهقه عادحن مزنقحه وندور للعناقيد العابصه !
طبعا حن قروه مالنا والتبدوا بس تخبرون الواحد طالع من المتوسط وخاش الثنوي وطايحله على شله جديده ويبغى يسوي فيها زعيط اخو مطره ......
المهم سرحنا ذاك اليوم . اللي ما ودك الا بكشته فيه في البر وانا ذاك الوقت ورع ممعد حتى السياره محن ناخذها الا متى رقدو الشيبان ....
وطبعا معنا في المدرسه هنا بدوان مزنقحه اكثر منا ...وان مكذب عليهم وقايلهم ان قدني حريف سواقه واني العن والدي الهايلكس تفحيط في المزروع وان الشيبه ياخذها يحمل عليها دمن الصباح .وذا الحكى كله فقال بلا ابغى اسوي نفسي ....والمشكله ما معنا هايلكس معنا شاص 77 مع الشيبه والله انه يجيني ملعنت جد متى خذته وهم يحسبون ان قدني الكبير وان الشيبه يركن علي !!!!
واني اروح اطعس في حبل العاضه كل يوم ومهم بدارين اني ماقد عديت اشارة مفرق الخميس كون صوب الغثمه في هنا رحلة زماااااااااااااااااان الشيبان والعجايز اللي انا خابرهم حظروها كلهم قد عنفصو ....ماعلينا ؟ ونلقى الشباب برى جلوس في ذياك المحل اللي قدحن خابرينه .ونوزها في سدوغهم ايش انتو ياذا المبزره .الرجاجيل مفركين .ورايحين يتمشون وانتو ناصين وجيهكم قدام المدرسه . يانعنابيكم مابلا اربع خبطات ..يوم السبت !!صموها وخلونا نهّرب من المدرسه اليوم .......طيعوني ونا اللي غشيتكم!!!!
فغير قم ياواحد منهم من زود القزه .ثم زقف علي بالمفتاح حق سيارته .قال سرحنا يابو محمد .فغير اقولهم حد بيسرح معنا. يامبزره .فغير قامو كلهم يبغون الفكه من المدرسه.و هنا صالون يحن من اللمس ..
............وليني والله يوم قام كل عظم فيني يتراقل ماني اسوق الا هنيا شاص مخوضه ما فيها الا ثلاث تعاشيق واسوقها في المزرعه ولا القايله اقدمه وارجعها في هنيا حوي ...وقووووووووووا
وذا الخبش معطيني هنا صالون 85 جديد الله يرضخ عقله والله وارقع المفتاح وقلت في نفسي عادي ياولد سر بزين
اهم شي لا انبشع قدامهم ويدرون اني اعطيهم الحكى من تحت المقذعه !!!!!!!
واركب يوم الله صابني وركبو المبزره ولين حن حول خمسطعش في جوف الصالون وهنا غرارين ممعدين !!!!
وغير اول الخير يوم عطيته الواحد ابغى امشيبه !!!!وخبركم بالصوالين كيف نتعتها ! .....ولين اخوياي الي قدام قدهم ورا من قوت النتعه !!قويه شوي بس نبغى نعلمكم بصيغة مبالغه!!هه
وقال واحد منهم ايش قومك ...وانا ثعل قلت يانعناسكم هنا بلا طلع في رجلي مدري ايش هو !!وغير انزل من السياره واقوم انفض الثوب ابغاهم يصدقون !!!ولا خاب ضني الرجال راعي السياره قدهو منهطق وعاف نذحة المفتاح ووده .يسوق ولا استجرا وانا تحلببت على الدركسون ...
..........وغير ا اعطيه الثالث في المره لخرى وان احسبنه في الواحد مادريت والله واقوم ارفع رجلي طشه طشه من على الكلتش والنفضه ماخذتني والكلتش احترق ماقد مشى الموتر ..اي بله ذا الحكى صبح والجو يهول ويوم ربوع .والقاع ممطوره من ليلها ...والمبزره مهربين كلهم من المدرسه. فغير اقوم اتبدوى انا وجهي وانا يالله بي اسير في القاع...
وغير اطل في هل ورا وقلتلهم اهو ودكم نفرع حادر..... ونسيت من الخط .ولا امداني اكملها الا وحن لاطين في عمود كرهب ولين المبزره نصهم .مغومين .وحد دماينه تمطخ .وحد قد هو برى طايح في الجزيره وانا زوري بغى ....يورقح من الدركسون ....وغدا كنه زور حايك..ولكن اول من فزع لنا المدرسين حقيينا !
ياوالله الذنب . خوينا راعي السياره .في راسه فعل الشمت . وهو ذاك فازعين به للمستشفى .هو واللي معه مصوبين ..وانا من الذل تغيومت . من والله اللي قدني خابره .من سبج الشيبه؟انه يرضّخنا على التفراج على التلفزيون ((فكيف اما درا وانا جايب ذي الخريه )) وغير شلوني للطواري .....واكشف الدكتور علي ! وانا اصيح ....ابغا التنوام بالغلط! المهم شيعوني وطلّع ماعندي الا رضوض ..وقالو اذا تبى تطلع .مافيه اشكال !!
واقول في نفسي !انكم والله ما تعرفون ابي !!!!.
وافغصهم بالكذب على اني مقدر اسير واني لازم آترقد....
وترقدنا واللذي منا .ولين معي اربعه من الشباب .في نفس الغرفه !ثم ودي ان القاع صرتني ولا حصل الي حصل .....
تفشلت قدام اخوياي .وبيلجحني أبي قدني خابر .!!!!!!
والله ان الشيبه جاني في الزياره .وانه مافرع فيني منه الا خالي !............ويوم جا من بكره جاني خالي وقد علمته .اني ماني معطي شكله من المستشفى الا وهو معي !!!!!
والله واطلع . ظهر انا وياه .ونروح للبيت وخالي يعننه ماعنده في ابي ...مهو بداري ان الشيبه .ماعنده فيه!!!
وندخل البيت ولا أستجريت اطلع واجلس تحت في السافل .كنه من ذلحين.ولين ذاحس العجوز ....ولا فرحتبه !!!
ويننت مندس ,جعلك غض المدى .!!!!!دريت ان ابي قدهو حاشيها علي .ولكن انها ارحم منه .....!
قلت في نفسي .وانا ارقل من الذل .ياولد مخبوط .مخبوط والله مالك منها صده.خلص نفسك وسر في القاع!!!!
وقلت شاني ذا ...يوم الله صابني .!!! أثر معها غلبه في يدها .ولا امداني اظهر الا وهي مايحتني في ظهري ....وكل المعتاد ....ركزتلها وهي مخننه وراي !! ويوم ابعدت منها ودرت انها مهو بممديها تلحقني .فلوحين بالغلبه قدني على معقم باب الحوش .ولين والله بناطتها في قبوعي تقول بناطتنا في الماصوره !!!
وليني من صيد امس طايح عند ثم الباب .وجا منها خيّره .مابعد صرت عليها تحسب اني مت!!!!
واتلى علمي بالخبط انه ذاك اليوم .والسبه الغلبه جعلها تسقى......
والسياقه عفتها وجاني منها الخجاج من ذاك اليوم الين توضفت . وهذي حزيتي ولا ماتت بزيتي!!!!!!!!!!!!!!!!!!!!!!!!!!!!!!!!!!!!!!!!!!باي :D
هذه السالفه لو ماني على الأنترنت ما استجريت اقولها ومالها داعي حد يبشعبنا ها ناهي ؟
طيب هاسلم !!!!!
السلفه ذي ايام المراهقه عادحن مزنقحه وندور للعناقيد العابصه !
طبعا حن قروه مالنا والتبدوا بس تخبرون الواحد طالع من المتوسط وخاش الثنوي وطايحله على شله جديده ويبغى يسوي فيها زعيط اخو مطره ......
المهم سرحنا ذاك اليوم . اللي ما ودك الا بكشته فيه في البر وانا ذاك الوقت ورع ممعد حتى السياره محن ناخذها الا متى رقدو الشيبان ....
وطبعا معنا في المدرسه هنا بدوان مزنقحه اكثر منا ...وان مكذب عليهم وقايلهم ان قدني حريف سواقه واني العن والدي الهايلكس تفحيط في المزروع وان الشيبه ياخذها يحمل عليها دمن الصباح .وذا الحكى كله فقال بلا ابغى اسوي نفسي ....والمشكله ما معنا هايلكس معنا شاص 77 مع الشيبه والله انه يجيني ملعنت جد متى خذته وهم يحسبون ان قدني الكبير وان الشيبه يركن علي !!!!
واني اروح اطعس في حبل العاضه كل يوم ومهم بدارين اني ماقد عديت اشارة مفرق الخميس كون صوب الغثمه في هنا رحلة زماااااااااااااااااان الشيبان والعجايز اللي انا خابرهم حظروها كلهم قد عنفصو ....ماعلينا ؟ ونلقى الشباب برى جلوس في ذياك المحل اللي قدحن خابرينه .ونوزها في سدوغهم ايش انتو ياذا المبزره .الرجاجيل مفركين .ورايحين يتمشون وانتو ناصين وجيهكم قدام المدرسه . يانعنابيكم مابلا اربع خبطات ..يوم السبت !!صموها وخلونا نهّرب من المدرسه اليوم .......طيعوني ونا اللي غشيتكم!!!!
فغير قم ياواحد منهم من زود القزه .ثم زقف علي بالمفتاح حق سيارته .قال سرحنا يابو محمد .فغير اقولهم حد بيسرح معنا. يامبزره .فغير قامو كلهم يبغون الفكه من المدرسه.و هنا صالون يحن من اللمس ..
............وليني والله يوم قام كل عظم فيني يتراقل ماني اسوق الا هنيا شاص مخوضه ما فيها الا ثلاث تعاشيق واسوقها في المزرعه ولا القايله اقدمه وارجعها في هنيا حوي ...وقووووووووووا
وذا الخبش معطيني هنا صالون 85 جديد الله يرضخ عقله والله وارقع المفتاح وقلت في نفسي عادي ياولد سر بزين
اهم شي لا انبشع قدامهم ويدرون اني اعطيهم الحكى من تحت المقذعه !!!!!!!
واركب يوم الله صابني وركبو المبزره ولين حن حول خمسطعش في جوف الصالون وهنا غرارين ممعدين !!!!
وغير اول الخير يوم عطيته الواحد ابغى امشيبه !!!!وخبركم بالصوالين كيف نتعتها ! .....ولين اخوياي الي قدام قدهم ورا من قوت النتعه !!قويه شوي بس نبغى نعلمكم بصيغة مبالغه!!هه
وقال واحد منهم ايش قومك ...وانا ثعل قلت يانعناسكم هنا بلا طلع في رجلي مدري ايش هو !!وغير انزل من السياره واقوم انفض الثوب ابغاهم يصدقون !!!ولا خاب ضني الرجال راعي السياره قدهو منهطق وعاف نذحة المفتاح ووده .يسوق ولا استجرا وانا تحلببت على الدركسون ...
..........وغير ا اعطيه الثالث في المره لخرى وان احسبنه في الواحد مادريت والله واقوم ارفع رجلي طشه طشه من على الكلتش والنفضه ماخذتني والكلتش احترق ماقد مشى الموتر ..اي بله ذا الحكى صبح والجو يهول ويوم ربوع .والقاع ممطوره من ليلها ...والمبزره مهربين كلهم من المدرسه. فغير اقوم اتبدوى انا وجهي وانا يالله بي اسير في القاع...
وغير اطل في هل ورا وقلتلهم اهو ودكم نفرع حادر..... ونسيت من الخط .ولا امداني اكملها الا وحن لاطين في عمود كرهب ولين المبزره نصهم .مغومين .وحد دماينه تمطخ .وحد قد هو برى طايح في الجزيره وانا زوري بغى ....يورقح من الدركسون ....وغدا كنه زور حايك..ولكن اول من فزع لنا المدرسين حقيينا !
ياوالله الذنب . خوينا راعي السياره .في راسه فعل الشمت . وهو ذاك فازعين به للمستشفى .هو واللي معه مصوبين ..وانا من الذل تغيومت . من والله اللي قدني خابره .من سبج الشيبه؟انه يرضّخنا على التفراج على التلفزيون ((فكيف اما درا وانا جايب ذي الخريه )) وغير شلوني للطواري .....واكشف الدكتور علي ! وانا اصيح ....ابغا التنوام بالغلط! المهم شيعوني وطلّع ماعندي الا رضوض ..وقالو اذا تبى تطلع .مافيه اشكال !!
واقول في نفسي !انكم والله ما تعرفون ابي !!!!.
وافغصهم بالكذب على اني مقدر اسير واني لازم آترقد....
وترقدنا واللذي منا .ولين معي اربعه من الشباب .في نفس الغرفه !ثم ودي ان القاع صرتني ولا حصل الي حصل .....
تفشلت قدام اخوياي .وبيلجحني أبي قدني خابر .!!!!!!
والله ان الشيبه جاني في الزياره .وانه مافرع فيني منه الا خالي !............ويوم جا من بكره جاني خالي وقد علمته .اني ماني معطي شكله من المستشفى الا وهو معي !!!!!
والله واطلع . ظهر انا وياه .ونروح للبيت وخالي يعننه ماعنده في ابي ...مهو بداري ان الشيبه .ماعنده فيه!!!
وندخل البيت ولا أستجريت اطلع واجلس تحت في السافل .كنه من ذلحين.ولين ذاحس العجوز ....ولا فرحتبه !!!
ويننت مندس ,جعلك غض المدى .!!!!!دريت ان ابي قدهو حاشيها علي .ولكن انها ارحم منه .....!
قلت في نفسي .وانا ارقل من الذل .ياولد مخبوط .مخبوط والله مالك منها صده.خلص نفسك وسر في القاع!!!!
وقلت شاني ذا ...يوم الله صابني .!!! أثر معها غلبه في يدها .ولا امداني اظهر الا وهي مايحتني في ظهري ....وكل المعتاد ....ركزتلها وهي مخننه وراي !! ويوم ابعدت منها ودرت انها مهو بممديها تلحقني .فلوحين بالغلبه قدني على معقم باب الحوش .ولين والله بناطتها في قبوعي تقول بناطتنا في الماصوره !!!
وليني من صيد امس طايح عند ثم الباب .وجا منها خيّره .مابعد صرت عليها تحسب اني مت!!!!
واتلى علمي بالخبط انه ذاك اليوم .والسبه الغلبه جعلها تسقى......
والسياقه عفتها وجاني منها الخجاج من ذاك اليوم الين توضفت . وهذي حزيتي ولا ماتت بزيتي!!!!!!!!!!!!!!!!!!!!!!!!!!!!!!!!!!!!!!!!!!باي :D